पुणे : संपूर्ण जगासह देशात देखील कोरोनाचं थैमान सुरूच आहे. त्यातच वेगळ्या वेगळ्या ठिकाणी कोरोनाचे सापडत असलेल्या नव्या व्हेरीऐंटमुळे जगाच्या अनेक देशांची चिंता अधिकच वाढताना दिसत आहे. आधी डेल्टा मग ओमायक्रॉन आणि आता डेलमायक्रॉन हा नवीन व्हेरीऐंट ( Delmicron new variant ) आला आहे. कोरोना विषाणूच्या ओमायक्रॉन व्हेरिएंटशी झुंज देत असलेल्या जगासमोर आता डेलमायक्रॉन या नवीन प्रकाराचा धोका वाढला आहे. युरोपातील अनेक देशांमध्ये सतत वाढणाऱ्या कोविड संसर्गामागे डेलमायक्रॉन हा नवीन प्रकार असल्याचा संशय अनेकांकडून बोललं जात आहे.
डॉ. अविनाश भोंडवे यांनी डेलमायक्रॉन हा संभ्रम असल्याचे म्हटले आहे. डेलमायक्रॉन प्रकार डेल्टा आणि ओमिक्रॉनपेक्षा अधिक वेगाने पसरत आहे, असा दावा केला जात आहे. यामुळे डेल्टा पेक्षा सौम्य लक्षणे दिसली तरी लोकांमध्ये या नवीन प्रकारच्या विषाणूचा संसर्ग होण्याची अधिक शक्यता देखील वर्तवली जाते आहे. तर दुसरीकडे मागील काही दिवसांत देशात कोरोना रुग्णांमध्ये काही प्रमणात वाढ झालेली पाहायला मिळत आहे. भारतात गेल्या 24 तासांत ओमायक्रॉन या कोरोना विषाणूचे 122 नवीन रुग्ण आढळल्यानंतर, देशातील एकूण रुग्णांची संख्येत देखील वाढ झाली आहे. तसेच 114 लोक संसर्गमुक्त झाले आहेत किंवा इतर ठिकाणी स्थलांतरित झाले आहेत.ही प्रकरणे 17 राज्ये आणि केंद्रशासित प्रदेशांमध्ये नोंदवली गेली आहेत. सर्वाधिक 88 प्रकरणे दिल्लीत 67, तेलंगणात 38, तामिळनाडूमध्ये 34, कर्नाटकात 31 आणि गुजरातमध्ये 30 आहेत. त्याचवेळी, भारतात एका दिवसात कोविड-19 चे 6,650 नवीन रुग्ण आढळल्यानंतर, देशातील संक्रमितांची संख्या 3 कोटी 47 लाख 72 हजार 626 वर पोहोचली आहे. या कोरोना विषाणूच्या नव्या प्रकाराबाबत इंडियन मेडिकल असोसिएशनचे ( Indian Medical Association ) माजी अध्यक्ष अविनाश भोंडवे ( IMA Former President Avinash Bhondwe ) यांनी माहिती दिली. त्यांनी या नव्या आलेल्या विषाणूचा दावा फेटाळून लावला आहे. त्याचबरोबर ते म्हणाले हा एक प्रकारचा संभ्रम आहे. डेल्टा आणि ओमायक्रॉन हे दोन नवे विषाणू एकत्र होत आजारची साथ सध्या सुरू असल्याचं सांगितलं आहे. त्याचबरोबर पुढे बोलताना भोंडवे यांनी फेब्रुवारी महिन्यापर्यंत तिसऱ्या संभाव्य लाटेची शक्यता देखील वर्तवली आहे.
हेही वाचा - Pollution Rate In Pune - पुणे शहराची फुफ्फुसे मोजणारं प्रदूषण!, पहा ईटीव्ही भारतचा खास रिपोर्ट 
