गुलाब चक्रीवादळाने झालेल्या नुकसानीची आकडेवारी निश्चित झाल्यावर निर्णय - महसूल मंत्री

गुलाब चक्रीवादळाचा मराठवाड्याला मोठ्या प्रमाणात फटका बसला आहे. मुख्यमंत्री उद्धव ठाकरे यांच्या अध्यक्षतेखाली मंत्रिमंडळाची बैठकदेखील झालेली आहे. त्याबाबत नुकसानीची आकडेवारी माहिती घेऊन निर्णय घेण्यात येणार असल्याची भूमिका महसूल मंत्री बाळासाहेब थोरात यांनी स्पष्ट केली आहे.

पुणे- गुलाब चक्रीवादळाचा मराठवाड्याला मोठा फटका बसला आहे. शुक्रवारीपर्यंत पाऊस सुरू होता. आकडेवारी निश्चित झाल्यावरच निर्णय घेतला जाणार असल्याचे महसूल मंत्री बाळासाहेब थोरात यांनी माध्यमांशी बोलताना सांगितले.

राज्याचे महसूल मंत्री बाळासाहेब थोरात म्हणाले, की दोन वर्षे हे नैसर्गिक संकटाचे गेले आहे. दोन चक्रीवादळ, महापूर त्यानंतर गतवर्षी अतिवृष्टी झाली. शेतकऱ्यांना दहा हजार कोटींची आर्थिक मदत जाहीर करावी लागली. या वर्षी अतिवृष्टीचा कोकणात पहिला फटका बसला. त्यांनतर गुलाब चक्रीवादळाचा मराठवाड्याला मोठ्या प्रमाणात फटका बसला आहे. मुख्यमंत्री उद्धव ठाकरे यांच्या अध्यक्षतेखाली मंत्रिमंडळाची बैठकदेखील झालेली आहे. एकंदरीत नुकसानीचे स्वरुप आणि त्याची आकडेवारी पाहता ते एकत्र करणे आवश्यक असते. तशा पद्धतीची काळजी घेतली जात आहे. तसेच असे कोणी सांगत असेल की शेतात जा आणि तेथून फोटो पाठवा तर त्याच्यावर कारवाई करू, अशा इशाराही महसूल मंत्र्यांनी दिला आहे.

हेही वाचा-Kopi Luwak.. मांजराच्या विष्ठेपासून तयार होते ही कॉफी... ही आहे जगातिल सर्वांत महागडी कॉफी

प्रभाग रचनेचा एकमताने घेतला निर्णय...

शेवटी प्रभाग रचनेत मत-मतांतरे होती. प्रत्येकाच वेगळे म्हणणे होते. शेवटी मुख्यमंत्र्यांनी घेतलेला निर्णय एकमताने घेतला आहे. कोणीही पक्षाचा विचार करता निर्णय घेतलेला नाही. जेवढा प्रभाग रचनेचा फायदा सत्ताधाऱ्यांना होतो, तेवढा विरोधकांनाही होतो. चारचा प्रभाग असावा की दोनचा असावा, अशी चर्चा होते. असे असताना तीनचा प्रभाग निश्चित करण्यात आला आहे. प्रभाग रचनेत पक्षीय स्वरुप नसून एकमताने घेतलेला निर्णय आहे. तसेच आम्ही एकत्र सत्तेत आहोत. चांगल्या पद्धतीने काम करत आहोत. भाजपला सत्तेपासून दूर ठेवण्यासाठी आम्ही प्रयत्न करणार आहोत. जितके शक्य होईल, तितके आम्ही एकत्र लढण्याचा प्रयत्न करणार आहोत, असेदेखील यावेळी थोरात म्हणाले.

हेही वाचा-आजपासून बॅंकांच्या या नियमांमध्ये होणार बदल, असा होईल तुमच्यावर परिणाम

ई अॅप नव्या युगाची सुरुवात-

ई अॅप ही नव्या युगाची सुरुवात आहे. महसूल विभागाचा विषय त्यातील कायदेशीर बाबींपुरताच आहे. राज्याच्या पीक नियोजनाकरता विशेषतः कृषी पणन किंवा मदतीचा विषय असेल त्यासाठी हे प्रत्येक ठिकाणी उपयोगी असणार आहे. त्याचा नियोजनात खूप फायदा होणार आहे. ही नव्या युगाची सुरुवात आहे. हे आपल्याला करावेच लागणार आहे. सुरुवातीला थोडा त्रास होईल. पण त्याचा नंतर फायदा होणार आहे.

हेही वाचा-महिन्याच्या सुरुवातीलाच गॅस सिलिंडर दरवाढीचा फटका, जाणून घ्या नवी किंमत