नागपूर - रस्त्यावर पाणी साचल्याने राष्ट्रसंत नगरमध्ये राहणाऱ्या तरुणीला रुग्णालयात नेण्यास उशीर झाला आणि तिचा मृत्यू झाला. यामुळे तिच्या मृत्यूला महानगरपालिका जबाबदार असल्याचा आरोप करत शिवसेनेने हनुमान नगर झोनच्या कार्यालयात तोडफोड केली.
महापालिकेत शिवसैनिकांची तोडफोड -
नागपुरच्या राष्ट्रसंत नगरमध्ये राहणाऱ्या जानव्ही चिंचुलकर (17) या तरुणीची प्रकृती ३१ ऑगस्ट रोजी रात्री बिघडली. यावेळी तिला रुग्णालयात न्यायचे होते. पण त्या परिसरात सर्वत्र पाणी भरले असल्याने रुग्णवाहिका जाऊ शकत नव्हती. यावेळी रुग्णालयात नेण्यासाठी रस्त्याची अडचण सध्याच्या नाल्यामुळे उपस्थित झाली होती. यामुळे घटनेबाबत कळताच संध्याकाळी परिसरातील नागरिक संतप्त झाले. यांनंतर शिवसैनिकांनी महापालिकेच्या हनुमान नगर झोनमध्ये जाऊन झोनमधील साहित्याची तोडफोड केली. दरम्यान, राष्ट्रसंत नगरपरिसरात एका बिल्डरने नाल्याचे पाणी सोडले. यामुळेच या भागात पाणी साचण्याचा समस्या उद्भवल्या आहेत. यामुळे या कंत्राटदारावरही मन्युष्यवधाचा गुन्हा दाखल करावा, तसेच मुलीच्या कुटूंबाला आर्थिक मदत घ्यावी, ज्या नाल्यामुळे हा पाणी साचण्याचा प्रश्न उदभवला त्याची दुरुस्ती करण्याची मागणी शिवसेनेतर्फे करण्यात आली.
