नागपूर - माजी केंद्रीय गृहराज्यमंत्री हंसराज अहिर यांच्या ताफ्यातील सुरक्षा गाडीला जाम चौरजवळ भीषण अपघात झाला असून, यामध्ये चालकाचासह एका सीआरपीफ जवानाचा मृत्यू झाला आहे. नागपूर हैदराबाद राष्ट्रीय महामार्गावरील कांढळी परिसरातील पूल ओलांडत असताना चंद्रपुरहून नागपूरच्या दिशेने येताना हा अपघात झाला. जखमींवर नागपूरच्या ऑरेंज सिटी रुग्णालयत उपचार सुरू आहेत.
विनोद विठ्ठल (वय-३७) असे चालकाचे नाव असून, फाजल भाई पटेल यांचा मृतांमध्ये समावेश आहे. तसेच इतर ३ जण गंभीर जखमी असल्याची माहिती मिळत आहे.अपघाताची माहिती मिळताच जाम महामार्ग पोलिसांनी घटनास्थळी धाव घेतली.
हेही वाचा मोहाडीमध्ये माय-लेकाला ट्रक्टरने चिरडले; आईचा मृत्यू, मुलगा जखमी
चंद्रपुरहुन नागपूरला जाणाऱ्या ताफ्याच्या रस्त्यामध्ये अचानक एक माकड आल्याने कंटेनर चालकाने ब्रेक लावला. यामुळे मागून आलेले वाहन हे कंटेनरला धडकले. ही धडक इतकी जोरात होती, की यामध्ये वाहनाचा चुराडा झाला आहे. यावेळी माजी मंत्री हंसराज अहिर हे पुढे निघून गेल्याने थोडक्यात बचावले असून, दोघे किरकोळ जखमी आहेत.
