समीर वानखेडे यांच्या जात प्रमाणपत्राची सामाजिक न्याय व विशेष सहाय्य विभागाकडून चौकशी सुरू

एनसीबी मुंबई झोनल डायरेक्टर समीर वानखेडे यांच्या जात प्रमाणपत्राविरोधात राष्ट्रवादी काँग्रेसचे मंत्री नवाब मलिक यांनी आरोप केल्यानंतर समीर वानखेडे यांच्या विरोधात सामाजिक कार्यकर्ते अशोक कांबळे यांनी जात पडताळणी विभागाकडे तक्रार केली होती. त्यानंतर आज या तक्रारीची चौकशी सुरू झाली आहे.

मुंबई - एनसीबी मुंबई झोनल डायरेक्टर समीर वानखेडे यांच्या जात प्रमाणपत्राविरोधात राष्ट्रवादी काँग्रेसचे मंत्री नवाब मलिक यांनी आरोप केल्यानंतर समीर वानखेडे यांच्या विरोधात सामाजिक कार्यकर्ते अशोक कांबळे यांनी जात पडताळणी विभागाकडे तक्रार केली होती. त्यानंतर आज या तक्रारीची चौकशी सुरू झाली आहे.

महाराष्ट्र शासन सामाजिक न्याय व विशेष सहाय्य विभागाकडून आज समीर वानखेडे यांच्या जात प्रमाणपत्रा विरोधात आलेल्या तक्रारीची चौकशी आज केली जात आहे. अशोक कांबळे या सामजिक कार्यकर्त्यांनी एनसीपीच्या अधिकारी समीर वानखेडे यांचा जात प्रमाणपत्र खोटे असल्याची तक्रार केली आहे व त्यांची चौकशी करून कारवाई करण्याची मागणी त्यांनी केली आहे.

या तक्रारीनुसार महाराष्ट्र शासन सामाजिक न्याय व विशेष सहाय्य विभागा अंतर्गत असलेली जाती प्रमाणपत्र पडताळणी समितीने तक्रारदाराला पुरावे घेऊन माटुंगा रोड कार्यलयात बोलावले आहे. त्यानुसार तक्रारदार अशोक कांबळे यांचे वकील नितीन सातपुते हे कार्यालयात उपस्थित झालेले आहेत. कार्यालय परिसरात पोलीस बंदोबस्त तैनात करण्यात आलेला आहे. समीर वानखेडे यांच्या अडचणीत वाढ होण्याची शक्यता वर्तवण्यात येत आहे.