कॅनडास्थित भारतीयांना राज ठाकरेंनी दिल्या स्वातंत्र्य दिनाच्या शुभेच्छा

कॅनडातील टोरांटो शहरात येथील निवासी भारतीय मोठ्या प्रमाणात भारताचा स्वातंत्र्य दिन मोठया उत्साहाने साजरा करतात. त्या सर्व निवासी भारतीयांना मनसे अध्यक्ष राज ठाकरे यांनी व्हिडिओच्या माध्यमातून 74 व्या स्वातंत्र्य दिनाच्या शुभेच्छा दिल्या. कोरोनाच्या काळात 'आपण सर्वजण ठीक आहात ना,' अशी विचारपूसही राज ठाकरे यांनी व्हिडिओच्या माध्यमातून केली.

मुंबई - कॅनडातील टोरांटो शहरात येथील निवासी भारतीय मोठ्या प्रमाणात भारताचा स्वातंत्र्य दिन मोठ्या उत्साहाने साजरा करतात. त्या सर्व निवासी भारतीयांना मनसे अध्यक्ष राज ठाकरे यांनी व्हिडिओच्या माध्यमातून 74 व्या स्वातंत्र्य दिनाच्या शुभेच्छा दिल्या.

'कोरोनामुळे अनेकांना त्रास झाला. तर, अनेकजण दगावले. यामुळे 'आपण सर्वजण ठीक आहात ना,' अशी विचारपूसही राज ठाकरे यांनी व्हिडिओच्या माध्यमातून केली.

भारतात गेले साडेचार महिने सुरू असलेल्या लॉकडाऊनमुळे सर्व त्रस्त आहेत. इथे कोकिळाही कुहूकुहू ऐवजी कोविड, कोविड म्हणू लागली आहे, असे राज ठाकरे यांनी म्हटले.' कॅनडा येथे राहणाऱ्या सर्व भारतीयांनी आपल्या आरोग्याची काळजी घ्यावी, असे आवाहन करत 'तेथे राहणारे सर्व व्यवस्थित असाल आणि चांगले जीवन जगाल' अशा सदिच्छा ठाकरे यांनी व्यक्त केल्या.