महिला दिन विशेष : माटुंगा स्थानकाला गुलाबी रंगाचा साज

मध्य रेल्वे मार्गावरील संपूर्ण महिला कर्मचारी संचलित असलेल्या माटुंगा रेल्वे स्थानक गुलाबी रंगाने सजला आहे.

मुंबई - मध्य रेल्वे मार्गावरील संपूर्ण महिला कर्मचारी संचलित असलेल्या माटुंगा रेल्वे स्थानक गुलाबी रंगाने सजला आहे. मध्य रेल्वे मार्गावरील 'महिला राज' म्हणून ओळख असलेल्या माटुंगा स्थानकाला गुलाबी रंगाचा साज दिला गेला आहे. यामुळे पर्यटक आणि मुंबईकरांसाठी हे आकर्षणाचे ठिकाण झाले आहे. जागतिक महिला दिन हे स्थानक महिलांसाठी पर्वणीच ठरत आहे.

स्थानकातील लाइट देखील गुलाबी

बहुतांश महिलांना गुलाबी रंग आवडतो. गुलाबी रंग नेहमीच महिलांना आकर्षित करतो. म्हणूनच महिलांच्या कामाच्या सर्व वस्तू या गुलाबी रंगाच्या दिसून येतात. त्यामुळे मागील अनेक दिवसापासून येथील भिंती, छ्ताच्या खांबांना गुलाबी रंग देण्याचे काम सुरू आहे. स्थानकातील लाइट देखील गुलाबी करण्यात आली आहे. त्यामुळे मध्य रेल्वेच्या नकाशावर 'गुलाबी रंगाचे' स्थानक तयार झाले आहे.

हेही वाचा - 'मनसुख हिरेन यांच्या पत्नीच्या संशयानंतरच हत्येचा गुन्हा दाखल'

प्रत्येक क्षेत्रात उत्तुंग भरारी घेतलेल्या महिलांचे फलक

रेल्वे प्रशासनाकडून माटुंगा स्थानकाला गुलाबी रंग देण्याची योजना करण्यात आली आहे. माटुंगा स्थानकातील कार्यालये, फलाट, खांब यांना गुलाबी रंग दिला आहे. विद्युत दिव्यांना गुलाबी रंगाचा पेपर लावून गुलाबी करण्यात आले आहे. शांतीचे प्रतीक असलेल्या बुध्दांची पेंटिंग माटुंगा कार्यालयात साकारण्यात आली आहे. तर, प्रत्येक क्षेत्रात उत्तुंग भरारी केलेल्या महिलांचे फलक माटुंगा स्थानकात लावण्याची योजना करण्यात आली आहे.

हेही वाचा - महाराष्ट्र अर्थसंकल्प : मराठवाड्यातील उद्योजकांच्या या आहेत अपेक्षा

या स्थानकावर महिला राज

मध्य रेल्वे मार्गावरील संपूर्ण महिला कर्मचारी संचलित असलेल्या माटुंगा रेल्वे स्थानकाचा 'लिम्का बुक ऑफ वर्ल्ड रेकॉर्ड' मध्ये समावेश आहे. संपूर्ण महिला कर्मचारी संचालित असलेले माटुंगा रेल्वे स्थानक हे देशातील एकमेव रेल्वे स्थानक आहे. मध्य रेल्वेवरील माटुंगा रेल्वे स्थानक देशातील पहिले 'महिला राज' स्थानक बनले आहे. या ठिकाणी 43 महिला कर्मचारी कार्यरत असून सुरक्षा रक्षक 4, सफाई कर्मचारी 2, ऑपरेटिंग स्टाफ 8, कमर्शियल स्टाफ 19 आणि टीसी 10 आहेत. देशात एकमेव महिला राज असलेल्या या स्थानकाची दखल लिम्का बुकने घेतली असून या स्थानकाचा समावेश लिम्का बुक रेकॉर्डमध्ये केला आहे.

हेही वाचा - महा अर्थसंकल्प २०२१ : व्यापाऱ्यांवर कोणतेही नवे कर लादू नयेत - फत्तेचंद रांका

खूप छान अनुभव या दिवसांमध्ये आला. माटुंगा रेल्वे स्थानकातील सर्व महिला कर्मचारी आम्ही चांगल्या प्रकारे व्यवहार करत आहोत. 2017 पासून रेल्वे स्थानक पूर्ण महिला कर्मचाऱ्यांचा झाले आहे. महिलांनी कोणत्याही क्षेत्रात स्वतःला कमी लेखू नये. महिला जेवढी सक्षम आहेत ते स्वतःला बनवु शकते असे माटुंगा उप स्टेशन प्रबंधक सारिका सावंत यांनी सांगितले.