मुंबई - कथित पत्राचाळ प्रकरणी संजय राऊतांना अटक करण्यात आली. आज त्यांची कोठडी संपत असल्याने न्यायालयात हजर करण्यात आलं होते. तेव्हा सत्र न्यायालयाने संजय राऊतांना 5 सप्टेंबरपर्यंत न्यायालयीन कोठडी सुनावली आहे. त्यातच आता संजय राऊत ईडीने केलेल्या कारवाईविरोधात पुस्तक लिहत असल्याची माहिती दिली आहे. त्यामुळे राऊत यांच्या या पुस्तकांमध्ये काय नवीन खुलासे ईडी विरोधात करण्यात येतात हे महत्त्वाचं असणार shivsena leader sanjay raut writing book in jail over ed action आहे.
संजय राऊत यांनी न्यायालयात हजर करण्यात आलं होते. त्यापूर्वी संजय राऊत बराच वेळ न्यायालयाच्या बाहेर थांबले होते. तेव्हा त्यांनी सांगितलं की, त्यांच्यावर दाखल करण्यात आलेल्या केसवर पुस्तक लिहीत आहेत. सगळी केस खोटी आहे, माझा काही संबंध नाही. प्रवीण राऊत माझे नातेवाईक फक्त दोन जणांना ओळखतो. 'सच के साथ लढ सकते हैं झूट के साथ नहीं.' मला जेलच्या आंत मध्ये नियमानुसार वृत्तपत्र मिळतात आहे. तसेच, मी स्वस्थ आहे, काहीच त्रास नाही, असे देखील संजय राऊत यांनी न्यायालयाच्या परिसरात प्रसारमाध्यमांच्या प्रतिनिधींशी अनौपचारिक रित्या गप्पा मारताना म्हटलं आहे.
गोरेगाव येथील कथित पत्राचाळ घोटाळा प्रकरणी आर्थिक गैरव्यवहार प्रकरणात राऊत यांना 1 ऑगस्ट रोजी अटक केली होती. संजय राऊत यांना यापूर्वी दोन वेळा ईडी कोठडी देण्यात आली होती. त्यानंतर त्यांची रवानगी 14 दिवसांच्या न्यायालयीन कोठडीमध्ये रवानगी करण्यास आली होती. आज कोठडी संपली असल्याने त्यांना न्यायालयासमोर पुन्हा हजर करण्यात आलेले. त्यावेळी न्यायालयाने त्यांना पुन्हा 14 दिवसांच्या न्यायालयीन कोठडीत रवानगी केली आहे.
संजय राऊत यांना न्यायालयात हजर करण्याची माहिती कार्यकर्त्यांना मिळाल्यानंतर त्यांनी मोठ्या प्रमाणात गर्दी केली होती. कुठलाही अनुचित प्रकार घडू नयेत, तसेच कायदा व सुव्यवस्थेचा प्रश्न निर्माण होऊ नये म्हणून पोलिसांकडून मोठा प्रमाणात पोलिसांचा बंदोबस्त लावण्यात आला होता. संजय राऊत यांची गाडी सत्र न्यायालयाच्या गेटवर आली असता शिवसैनिकांकडून मोठ्या प्रमाणात घोषणाबाजी देखील करण्यात आली होती.
हेही वाचा - Udayanraje Bhosale सातार्‍यातील दहीहंडीत उदयनराजेंचा जलवा अन तरूणाईचा जल्लोष, पाहा व्हिडिओ
