मुंबई - मुंबईत डिसेंबर महिन्यापासून कोरोना विषाणूची तिसरी लाट आली आहे. जानेवारीच्या सुरुवातीला ६ ते ८ जानेवारीदरम्यान सलग तीन दिवस २० हजारांच्यावर रुग्ण आढळून आले. गुरुवारी (दि. १० फेब्रुवारी) नव्या ४२९ रुग्णांची नोंद झाली ( Mumbai Corona Update ) असून दोन मृत्यूची नोंद झाली आहे. मुंबईत सध्या ३ हजार ६९८ सक्रिय रुग्ण ( Active Corona Cases in Mumbai ) आहेत. रुग्ण बरे होण्याचा दर ९८ टक्के आहे.
पहिल्या लाटे दरम्यान २ हजार ८०० तर दुसऱ्या लाटेदरम्यान कोरोनाचे ११ हजार ५०० सर्वाधिक रुग्णांची नोंद झाली होती. डिसेंबर महिन्यात कोरोनाची तिसरी लाट आली असून ६ ते ८ जानेवारी दरम्यान सलग तीन दिवस २० हजारांच्यावर रुग्ण आढळून आले. त्यानंतर रुग्णसंख्येत घट होताना दिसत आहे. मुंबईत आज (१० फेब्रुवारी) ४२९ नवे रुग्ण आढळून आले आहेत तर २ मृत्यूची नोंद झाली आहे. आज ८२२ रुग्णांना डिस्चार्ज देण्यात आला आहे. आतापर्यंत एकूण १० लाख ५३ हजार ४६ रुग्णांची नोंद झाली आहे. त्यापैकी १० लाख २९ हजार ८३८ रुग्ण बरे झाले आहेत. १६ हजार ६७८ रुग्णांचा मृत्यू झाला आहे. सध्या ३ हजार ६९८ सक्रिय रुग्ण ( Active Cases In Mumbai ) आहेत. रुग्ण बरे होण्याचे प्रमाण ९८ टक्के तर रुग्ण दुपटीचा कालावधी ९४९ दिवस इतका आहे. मुंबईत एकही इमारत झोपडपट्टी सील नाही. ३ फेब्रुवारी ते ९ फेब्रुवारी या कालावधीत कोरोना वाढीचा ( Corona Rate in Maharashtra ) दर ०.०७ टक्के इतका आहे.
९६.८ टक्के बेड रिक्त - मुंबईत आज आढळून आलेल्या ४३९ रुग्णांपैकी ३५६ म्हणजेच ८३ टक्के लक्षणे नसलेले रुग्ण आहेत. आज ७१ रुग्णांना रुग्णालयात दाखल करावे लागले. २० रुग्णांना ऑक्सिजन बेडची ( Oxygen Beds in Mumbai ) गरज भासली आहे. मुंबईत रुग्णालयांमध्ये ३६ हजार ९७७ बेड्स असून त्यापैकी १ हजार १८८ बेड्सवर म्हणजेच ३.२ टक्के बेडवर रुग्ण आहेत. इतर ९६.८ टक्के बेड रिक्त ( Available Covid Beds in Mumbai ) आहेत.
रुग्णसंख्या घटतेय - मुंबईत गेल्या वर्षी मार्च महिन्यात कोरोना विषाणूचा पहिला रुग्ण आढळून आला. तेव्हापासून मुंबईत कोरोनाचा प्रसार आहे. फेब्रुवारी महिन्यात दुसरी लाट आली. एप्रिल महिन्यात रुग्णसंख्या ११ हजारांवर गेली होती. जूनपासून त्यात घट होऊ लागली. १ डिसेंबरला कोरोनाचे १०८ नवे रुग्ण आढळून आले होते. त्यानंतर त्यात वाढ हाऊ लागली. ६ जानेवारीला २० हजार १८१, ७ जानेवारीला २० हजार ९७१, ८ जानेवारीला २० हजार ३१८, त्यानंतर रुग्णसंख्या घटली असून २४ जानेवारीला १ हजार ८५७, २५ जानेवारीला १ हजार ८१५, २६ जानेवारीला १ हजार ८५८ रुग्ण आढळून आले. त्यानंतर त्यात आणखी घट होऊन ३१ जानेवारीला ९६०, १ फेब्रुवारीला ८०३, २ फेब्रुवारीला १ हजार १२८, ३ फेब्रुवारीला ८२७, ४ फेब्रुवारीला ८४६, ५ फेब्रुवारीला ६४३, ६ फेब्रुवारीला ५३६, ७ फेब्रुबारीला ३५६, ८ फेब्रुवारीला ४४७, ९ फेब्रुवारीला ४४१, १० फेब्रुवारीला ४२९ नवीन रुग्ण आढळून आले आहेत.
नऊ वेळा शून्य मृत्यूची नोंद - मुंबईमध्ये कोरोनाच्या दुसऱ्या लाटेनंतर गेल्या काही महिन्यात १ ते ६ मृत्यूंची नोंद झाली होती. १७ ऑक्टोबर, २०२१ रोजी शून्य मृत्यूची नोंद झालेली आहे. त्यानंतर ११ डिसेंबर, १५ डिसेंबर, १८ डिसेंबर, २० डिसेंबर, २२ डिसेंबर, २५ डिसेंबर, ३० डिसेंबरला, २ जानेवारीला शून्य मृत्यूची नोंद झाली आहे.
हेही वाचा - Teachers Welcomes Students : विद्यार्थ्यांना शाळेकडे आकर्षित करण्यासाठी आयडियाची कल्पना
