मुंबई - लॉकडाऊनच्या काळातील वाढीव वीजबिलाच्या मुद्द्यावरून आता महाराष्ट्र नवनिर्माण सेना आक्रमक होण्याची शक्यता आहे. वीज बिलाच्या मुद्द्यावरून आतापर्यंत निवेदन, बैठका, विनवण्या, हे सगळे उपाय करुन झाले. तरीही सरकार ढिम्म आहे. त्यामुळे आता जनतेला दिलासा देण्यासाठी साहेबांच्या आदेशानंतर रस्त्यावर संघर्ष करावाच लागेल. कारण, “लाथो के भूत बातों से नही मानते”, असे संदीप देशपांडे यांनी आपल्या ट्विटमध्ये म्हटले आहे.
-
वीज बिला संदर्भात निवेदन, अर्ज, बैठका, विनवण्या सगळं झालं. पण सरकार ढिम्म आहे. जनतेला दिलासा देण्यासाठी साहेबांच्या आदेशानंतर रस्त्यावर संघर्ष करावाच लागेल कारण"लाथो के भूत बातों से नही मानते"
— Sandeep Deshpande (@SandeepDadarMNS) November 19, 2020 " class="align-text-top noRightClick twitterSection" data="
">वीज बिला संदर्भात निवेदन, अर्ज, बैठका, विनवण्या सगळं झालं. पण सरकार ढिम्म आहे. जनतेला दिलासा देण्यासाठी साहेबांच्या आदेशानंतर रस्त्यावर संघर्ष करावाच लागेल कारण"लाथो के भूत बातों से नही मानते"
— Sandeep Deshpande (@SandeepDadarMNS) November 19, 2020वीज बिला संदर्भात निवेदन, अर्ज, बैठका, विनवण्या सगळं झालं. पण सरकार ढिम्म आहे. जनतेला दिलासा देण्यासाठी साहेबांच्या आदेशानंतर रस्त्यावर संघर्ष करावाच लागेल कारण"लाथो के भूत बातों से नही मानते"
— Sandeep Deshpande (@SandeepDadarMNS) November 19, 2020
वीज बिल मुद्यावरून मनसे आंदोलन छेडणार आहे. आज मुंबईमध्ये राज्यभरातल्या पदाधिकाऱ्यांची बैठक बोलवण्यात आली आहे. या बैठकीसाठी राज्यभरातले नेते, सरचिटणीस, जिल्हा अध्यक्ष, विभाग प्रमुख, यांना तातडीने मुंबईला बोलवण्यात आले. राजगडावर ही बैठक होणार आहे. या बैठकीत आंदोलनाची दिशा ठरवली जाणार आहे. मनसे अध्यक्ष राज ठाकरे जो आदेश देतील. तसे पुढचे आंदोलन असणार आहे, असे मनसेचे नेते संदीप देशपाडे यांनी स्पष्ट केले.
मंत्री अनिल परब यांची प्रतिक्रिया-
दरम्यान, वाढीव वीजबिलाच्या मुद्द्यावर आज परिवहन मंत्री अनिल परब यांनी प्रतिक्रीया दिली. परब म्हणाले, लॉकडाऊन काळातील वीज बिल माफ व्हावे, अशी सर्वसामान्य जनतेची भावना आहे. वीजबिल सवलतीमध्ये अभ्यास करून निर्णय घेतल्यास त्याचा किती जणांना याचा फायदा होतो. याचा अभ्यास करत होतो. येत्या काही दिवसात यावर अंतिम निर्णय घेतला जाईल. अशी प्रतिक्रिया परब यांनी व्यक्त केली. विरोधकांचे काम आहे विरोध करायचे. आता त्यांना काही दुसरे काम नाही, असा टोला देखील परब यांनी लगावला.
वीज बिलात कोणतीही सवलत नाही - नितीन राऊत
सर्वसामान्यांना आता वीज बिलाचा झटका सोसावाच लागणार आहे. राज्यातील वीजग्राहकांना मिटर रिडींगप्रमाणे जे बिल आले आहे ते बिल त्यांना भरावे लागेल. त्यात कुठलीही सवलत मिळणार नाही, असे स्पष्टीकरण ऊर्जामंत्री नितीन राऊत यांनी दिले आहे. लॉकडाऊनकाळात वीज ग्राहकांना मोठ्या प्रमाणात वाढीव वीजबिले आली. सरकारकडून वीजबिलांमध्ये सवलत मिळेल अशी आशा होती, मात्र आता ऊर्जामंत्र्यांनी सवलत मिळणार नसल्याचे स्पष्ट केले आहे.
रीडिंगप्रमाणे आलेले बिल भरावेच लागेल-
ज्या ग्राहकांना मीटर रीडिंगप्रमाणे वीज बिले आलेली आहेत. त्यांना ती भरावी लागणार आहेत. तर ज्यांची अधिकची बिले आली होती. त्यासाठी आम्ही समिती स्थापन केली होती आणि त्या समितीकडून सुचवण्यात आलेल्या उपायांवर कारवाई सुरू आहे. ज्यांना अधिकचे बिल भरण्यासाठी अडचणी येतात, त्यांच्यासाठी आम्ही अनेक प्रकारच्या सवलतीही दिल्या आहेत, त्यासाठी आम्ही आदेशही दिले असून त्यात सविस्तरपणे आम्ही ग्राहकांना सवलती दिल्या आहेत. यामुळे आता सवलती देता येणार नाहीत, असेही राऊत यांनी सांगितले.
हेही वाचा- ठाकरे सरकारचा सर्वसामान्यांना 'शॉक'.. वीज बिलात कोणतीही सवलत नाही - नितीन राऊत
हेही वाचा- "भाजपाला मुंबईवर ब्रिटिशांचा युनियन जॅक फडकवायचाय"
