'जर मी कारवाई केली तर.. मुख्य सचिवांना जामीनही मिळणार नाही'

विधानसभेचे अर्थसंकल्पीय अधिवेशन सध्या सुरू असून दुसऱ्या आठवड्याच्या कामकाजाचा आज पहिला दिवस आहे.

मुंबई - अधिवेशनाचे कामकाज सुरू असताना विधानसभा अध्यक्ष नाना पटोले यांनी प्रशासनाच्या निष्काळजीपणाबद्दल ताशेरे ओढले. अध्यक्षांनी राज्याच्या मुख्य सचिवांनाच धारेवर धरले. विधिमंडळ सचिवालयाकडून प्रतिनिधींच्या प्रश्नांची उत्तरे वेळेत मिळत नसल्याने नाराज झालेल्या अध्यक्षांनी त्यांच्या अधिकारांची जाणिव सभागृहाला करुन दिली. यावेळी बोलताना त्यांनी 'जर मी कारवाई केली तर मुख्य सचिवांना जामीनही मिळणार नाही' अशा भाषेत प्रशासनाला आणि सरकारला सुनावले.

हेही वाचा... 'गारपिटीने नुकसान झालेल्या शेतकऱ्यांच्या पाठीशी सरकार उभे आहे'

प्रशासनाच्या कामकाजावर भडकले विधानसभा अध्यक्ष...

विधिमंडळात उपस्थित झालेल्या औचित्यांच्या मुद्यांना उत्तरे दिली जात नाहीत, म्हणून विधानसभा अध्यक्ष भडकले. त्यांनी मागील अधिवेशनात 83 औचित्यांचे मुद्दे उपस्थित केले त्यातील केवळ ४ मुद्यांना उत्तर दिले गेल्याचे सांगितले. सभागृहातील प्रश्नांना एका महिन्यात उत्तर द्यावे लागते. मात्र, विधिमंडळ सचिवालयाकडून पाठपुरावा करुनही प्रशासन उत्तर देत नाही, या मुद्द्यावर विधानसभा अध्यक्ष चांगलेच भडकले. त्यांनी त्यांच्या अधिकाराखाली मुख्य सचिवांना सभागृहात येऊन माफी मागण्याचे निर्देश दिले. मात्र, सत्ताधारी आणि विरोधी पक्ष नेत्यांनी विनंती केल्यावर अध्यक्षांकडून शिक्षा मागे घेण्यात आली. उपमुख्यमंत्री अजित पवार, महसूल मंत्री बाळासाहेब थोरात, विरोधी पक्षनेते देवेंद्र फडणवीस यांनी याबाबत अध्यक्षांना विनंती केली होती.

हेही वाचा... ठाकरे कुटुंब स्वतःसाठी काही घेत नव्हतं; मात्र, आता सर्वकाही चालतंय - चंद्रकांत पाटील

अजित पवारांनी व्यक्त केली दिलगिरी...