Legislative Council elections : 'आजही भाजपला पूर्ण बहुमत नाही, संजय राऊत यांचा गौप्यस्फोट

राज्यसभेच्या हाय होल्टेज निवडणुकीनंतर ( Rajya Sabha elections ) सध्या चर्चा सुरू आहे ती विधान परिषद ( Legislative Council elections ) निवडणुकीची. राज्यसभा निवडणुकीत महाविकास आघाडीतील ( Mahavikas Aghadi ) नाराजी समोर आली आहे. प्रमुख तिनही पक्षांचे नेते 'सब कुछ चंगा सी' म्हणत असले तरी, तीनही पक्षांची नाराजीची खदखद लपून राहिलेली नाही. त्यातच आता आघाडीचा मुख्य पक्ष असलेल्या शिवसेनेने ( Shiv Sena ) प्रत्येकाने आपआले बघा अशी भूमिका घेतल्याने काँग्रेस मात्र, टेन्शनमध्ये आहे.

मुंबई - राज्यसभेच्या हाय होल्टेज निवडणुकीनंतर ( Rajya Sabha elections ) सध्या चर्चा सुरू आहे ती विधान परिषद ( Legislative Council elections ) निवडणुकीची. राज्यसभा निवडणुकीत महाविकास आघाडीतील ( Mahavikas Aghadi ) नाराजी समोर आली आहे. प्रमुख तिनही पक्षांचे नेते 'सब कुछ चंगा सी' म्हणत असले तरी, तीनही पक्षांची नाराजीची खदखद लपून राहिलेली नाही. त्यातच आता आघाडीचा मुख्य पक्ष असलेल्या शिवसेनेने ( Shiv Sena ) प्रत्येकाने आपआले बघा अशी भूमिका घेतल्याने काँग्रेस मात्र, टेन्शनमध्ये आहे. यासोबतच राष्ट्रपतीपदाच्या निवडणुकीने सुद्धा आता चर्चेला वेग आला आहे. यासंदर्भात आता शिवसेनेचे नेते व खासदार संजय राऊत यांनी प्रतिक्रिया दिली आहे. ते मुंबईत आपल्या निवासस्थानी माध्यमांशी बोलत होते.

राष्ट्रपति कमी पक्षाचा कार्यकर्ता जास्त - यावेळी बोलताना राऊत म्हणाले की, "राष्ट्रपती पदाच्या निवडणुकीची तयारी विरोधी आघाडीने किमान सहा महिने आधी करायला हवी होती. माननीय शरद पवार ही निवडणूक लढायला तयार नाहीत त्यामुळे पवार साहेबांनी नाही म्हटल्यावर त्या संपूर्ण विरोधी पक्षाच्या आघाडीतली ऊर्जा निघून गेली. सर्वसहमतीच्या नावाखाली कोणीही उमेदवार उभा केला असे चालत नाही. त्यामुळे आता सत्ताधारी भाजप आपल्याच पक्षातील एखाद्या नेत्याला राष्ट्रवादी करेल. तो राष्ट्रपती कमी आणि पक्षाचा कार्यकर्ता म्हणूनच अधिक काम करेल. स्वतंत्रपणे काम करणारे राष्ट्रपती फार कमी काळात मिळाल्याचे त्यांनी सांगितले."

भाजपकडे बहुमत नाही - पुढे बोलताना राऊत म्हणाले की, "सत्ताधारी पक्षाकडून या देशातील विरोधी पक्षाच्या नेत्यांशी संवाद साधण्याचा प्रयत्न सुरू आहे. सर्वांना मान्य होईल असे एखादं नाव आलं तर चर्चा होऊ शकते. मात्र, शिवसेना यात पुढाकार घेणार नाही. आजही भाजपा आणि त्यांच्या आघाडीला पूर्ण बहुमत नाही. शरद पवार जर उभे राहिले असते तर मोठ्या प्रमाणात अनेक राज्यातून पवार साहेबांना मतदान झालं असतं." असे संजय राऊत यांनी म्हटले आहे.

ज्याचं त्यानं पाहावं - विधान परिषदेच्या निवडणुकीबाबत संजय राऊत यांनी सावध भूमिका घेत आपली प्रतिक्रिया दिली आहे. "आपला पक्ष आपापल्या आमदारांची काळजी घेईल आणि ती घ्यावीच लागते. राज्यसभे प्रमाणे आता गाफील राहून चालणार नाही. अजित पवार हे महाविकास आघाडीचे प्रमुख नेते आहेत. त्यांचा रुबाब आणि दरारा वेगळाच आहे. त्यामुळे आता सर्वांनीच सक्रीय झाले पाहिजे शेवटी ही निवडणूक प्रक्रिया आहे." अशी प्रतिक्रिया संजय राऊत यांनी दिली आहे.