मुंबई - 73 वा स्वातंत्र दिन आज देशभरासह राज्यात उत्साहात साजरा केला जात आहे. मुंबईत मध्य रेल्वेच्या छत्रपती शिवाजी महाराज टर्मिनस येथील मुख्यालयात ध्वजारोहणाचा कार्यक्रम महाप्रबंधक ए. के. गुप्ता यांच्या हस्ते पार पडला. रेल्वे पोलिसांकडून यावेळी मानवंदना देण्यात अली. यावेळी गुप्ता यांनी रेल्वेच्या कामगार आणि अधिकाऱ्यांना स्वातंत्र दिनाच्या शुभेच्छा दिल्या.
यावेळी ते म्हणाले रेल्वेच्या भागात निर्माण होणारा कचऱ्यासंबंधी आम्ही काम करत आहोत. कचरा दुसरीकडे न देता त्याची विल्हेवाट रेल्वेच्या जागेतच लावणार आहोत. सुरक्षा ही आमची प्राथमिकता आहे. 2018-19 या वर्षात, आम्ही 80 मानवचलीत रेल्वे क्रॉसींग गेट बंद करण्यात यशस्वी झालो आहोत. 24 किलोमीटर लांबीची स्वयंचलित सिग्नल यंत्रणा व 11 स्थानकांत इलेक्ट्रॅानिक इंटरलॉकिंग प्रणाली कार्यान्वित करण्यात आली आहे. पावसाळयात, गाडयांच्या सुलभ परिचालनासाठी, डयुअल डिटेक्शन प्रणाली असलेले अॅक्सल काउंटर, 315 ट्रॅक सर्कीटस् मध्ये पुरविण्यात आले आहेत, असे गुप्ता यांनी यावेळी सांगितले.
