मुंबई - येस बँक-डीएचएफएल बँक घोटाळा प्रकरणातील आरोपी रोशनी कपूर यांनी मुंबई उच्च न्यायालयात परदेशी जाण्यासाठी परवानगी मिळावी यासाठी याचिका दाखल केली होती. या याचिकेवर आज बुधवार (दि. 19 ऑक्टोबर)रोजी मुंबई उच्च न्यायालयात सुनावणी झाली. यामध्ये रोशनी कपूरला परदेशी जाण्यासाठी केलेली याचीका न्यायालयाने फेटाळली आहे. दरम्यान, संबंधित ट्रायल कोर्टामध्ये अर्ज करण्याचे निर्देश दिले आहेत.
येस बँकेचे संस्थापक राणा कपूर यांची मुलगी आणि येस बँक-डीएचएफएल घोटाळ्यातील आरोपी रोशनी कपूर यांना मुंबई उच्च न्यायालयाने मंगळवारी संबंधित ट्रायल कोर्टामध्ये न्यायालयात परदेशात जाण्याच्या परवानगीबाबत नव्याने अर्ज दाखल करण्याचे निर्देश दिले आहेत. न्यायमूर्ती अजय गडकरी आणि मिलिंद जाधव यांच्या खंडपीठाने संबंधित तपास यंत्रणेला तिच्याविरुद्धच्या कोणत्याही लुकआउट सर्कुलरचे निर्देश दिले आहे. ज्याचा ट्रायल कोर्ट गुणवत्तेवर निर्णय घेताना विचार करेल असेही न्यायालयाने म्हटले आहे.
न्यायाधीशांनी स्पष्ट केले आहे की, ट्रायल कोर्ट या अर्जाचा कायद्यानुसार काटेकोरपणे विचार करेल. न्यायालयाने असेही नमूद केले की आवश्यक असल्यास संबंधित न्यायालयास तात्पुरते एलओसी निलंबित करण्याचा अधिकार आहे. गेल्या महिन्यात खंडपीठाने एका आरोपीविरुद्ध एलओसी जारी केल्याबद्दल केंद्रीय अन्वेषण ब्यूरो वर ताशेरे ओढले होते. जरी त्या व्यक्तीला अटक करण्यात आली त्यानंतर न्यायालयाने जामीन मंजूर केला आहे.
सीबीआयच्या विनंतीवरून गृह मंत्रालयाने आरोपी विरोधात एलओसी जारी करण्याला आव्हान देणाऱ्या सुश्री कपूर यांनी दाखल केलेल्या याचिकेवर उच्च न्यायालया सुनावणी करत होता. आरोपीची वकील प्रणव बधेका यांनी असा युक्तिवाद केला की आरोपीचे पासपोर्ट सीबीआयकडे जमा करण्यात आला होता. जर आरोपीला परदेशात जायचे असेल तर तिला पूर्वपरवानगी घ्यावी लागेल. आरोपपत्र दाखल केल्यानंतर कपूर तिच्या आई आणि बहिणीसह कोर्टाने ताब्यात घेतले. नंतर 2021 मध्ये सर्वोच्च न्यायालयाने त्यांना अंतरिम जामीन मंजूर केला होता. ED आणि CBI दोघेही रोशनी कपूर आणि तिच्या कुटुंबातील इतर सदस्यांची 2020 च्या 4,000 कोटी रुपयांच्या येस बँक-DHFL क्विड-प्रो-क्वो प्रकरणात कथित सहभागाबद्दल चौकशी करत होते.
