मुंबई - जोगेश्वरी पश्चिममधील सोमानी इंडस्ट्रीजवळच्या एका गोदामाला पहाटे भीषण आग लागली होती. अग्निशामक दलाच्या जवानांनी आगीवर नियंत्रण मिळवले आहे. या आगीमध्ये कुठलीही जीवितहानी झालेली नाही.
मुंबईतील जोगेश्वरीत गोदामाला भीषण आग
हेही वाचा - पुलांचे बांधकाम रखडवणाऱ्या रेल्वे अधिकाऱ्यांवर फौजदारी गुन्हे दाखल करा, स्थायी समिती अध्यक्षांचे निर्देश
गुरुवारी पहाटे आग लागल्याची माहिती मिळताच अग्निशामक दलाच्या 10 गाड्या घटनास्थळी दाखल झाल्या होत्या. आग जोरात भडकल्यामुळे आग नियंत्रणात आणण्यासाठी अडचणींचा सामना करावा लागला. या आगीमध्ये मोठे आर्थिक नुकसान झाले आहे. आगीचे कारण अद्याप समजू शकलेले नाही. मात्र, सोमानी इंडस्ट्रीज परिसरातील रसायनाचे टँकर फुटल्याने ही आग लागल्याची शक्यता वर्तवली जात आहे.
