मुंबई मुंबई विद्यापीठाचे कुलगुरू सुहास पेडणेकर Vice Chancellor Suhas Pednekar यांचा कार्यकाळाचा 8 सप्टेंबर शेवटचा दिवस. या शेवटच्या दिवशी राज्याचे उच्च व तंत्र शिक्षणमंत्री चंद्रकांत पाटील Higher Education Minister Chandrakant Patil यांच्या हस्ते विद्यापीठातील कंपोस्ट खताचा प्रकल्प तसेच तलावाचे सुशोभीकरण आणि क्यू आर कोड 'मायबाईक' सायकल एपचे उदघाटन कार्यक्रम पार पडला आहे. मात्र चर्चा रंगली ती कुलगुरू पेडणेकर यांनी जाता जाता जुन्या सायकलींचे उद्घाटन उच्च शिक्षण मंत्र्यांच्या हातून करवून घेतले याची.
कुलगुरूंनी जाता जाता मात्र पुढील वर्षासाठी मुंबई विद्यापीठाचा बृहद आराखडा सिनेट बैठकीत मंजूर केल्याचे सूत्रांकडून माहिती प्राप्त झाली. ज्याला शिवसेनेच्या प्रदीप सावंत राजन कोळंबेकर यांनी आक्षेप घेतला. मुंबई विद्यापीठाशी संबंधित सुमारे 600 महाविद्यालय तसेच रत्नागिरी, सिंधुदुर्ग, पालघर या भागातील कुठे कुठे नवीन महाविद्यालय सुरू करणे त्यांचे नियोजन या संदर्भात या मान्यता घेण्यात आली. हा आराखडा राज्यपालांकडे मंजुरीसाठी देण्यात येईल. त्यांची मंजुरी प्राप्त झाली की, मग त्याची अंमलबजावणी होईल. मात्र व्यवस्थापन परिषदेचे सदस्य प्रदीप सावंत, राजन कोळंबेकर यांनी या बैठकबाबत पत्र लिहून आक्षेप घेतल्याने वाद सुरू झाला आहे.
विद्यार्थ्यांची बाजू या संदर्भात विद्यार्थी संघटना ऑल इंडिया स्टुडंट फेडरेशन मुंबई सचिव अमीर काझी यांनी ईटीव्ही भारत सोबत संवाद साधताना सांगितले की, मुंबई विद्यापीठात विविध 17 विभाग आहेत. त्या विभागात शिक्षण घेणाऱ्या हजारो मुलांना वसतिगृहाची सोय नाही. त्यामुळे विद्यार्थ्यांना शिक्षण घेण्यामुळे अडथळा निर्माण होतोय. कुलगुरूंनी जाता जाता जुन्या सायकलींचे उद्घाटन उच्च शिक्षण मंत्र्यांच्या हातून करणे, याबद्दल तर आम्हाला हसू येत. विद्यापीठात विद्यार्थ्यांसाठी एकच होस्टेल आहे. या समस्येवर उपाययोजना या कुलगुरूंनी करणे अभिप्रेत होते.
सायकल कंपनीचा खुलासा विद्यापीठामध्ये 'माय बाईक' या कंपनीच्या अत्याधुनिक सायकल उद्घाटनासाठी ठेवण्यात आल्या होत्या. जुन्या सायकलींच्या संदर्भात या कंपनीचे कॉर्डिनेटर श्रेयांश यांच्याशी पत्रकारांनी संवाद साधला असता त्यांनी सांगितले की, कार्यक्रमाच्या एक दिवस आधी सायकलींचे उद्घाटन असल्याचे आम्हाला कळवले. त्यामुळे ताबडतोब नव्या सायकल कुठून आणणार. ज्या सायकल उपलब्ध होत्या. त्या आम्ही येथे आणल्याचे स्पष्टीकरण त्यांनी दिले. यामुळेच विद्यापीठ वर्तुळात जुन्या सायकलच्या उद्घाटनाची चर्चा रंगलेली आहे.
व्यवस्थापन परिषदेचे शिवसेनेच्या सदस्यांकडून आक्षेप मुंबई विद्यापीठाच्या व्यवस्थापन परिषदेचे सदस्य प्रदीप सावंत राजन कोळंबेकर यांनी कुलगुरूंच्या कार्यकाळात कुलगुरूंनी विद्यापीठ अधिनियमाचे उल्लंघन केल्याचा आरोप देखील केला.
विद्यापीठाची भूमिका मात्र मुंबई विद्यापीठाचे जनसंपर्क अधिकारी त्यांनी सर्व बाबी नियमानुसार झाल्या आहेत. उदघाटन कार्यक्रमात सायकली जुन्या वगैरे नव्हते, असा दावा त्यांनी ईटीव्ही सोबत संवाद साधताना केला. सायकली बाबतचे क्यू आर कोड, नवीन एप आणि नवीन स्टॅन्ड आणि तलाव सुशोभीकरण याचे उद्घाटन करण्यात आल्याचे त्यांनी आपल्या खुलासा केले आहे.
