मुंबई - राज्यात गेल्या तीन दिवसांपासून कोरोना रुग्णांच्या आकडेवारीत प्रचंड वाढ होताना दिसत ( Covid Outbreak In Maharashtra ) आहे. आज दिवसभरात 36 हजार 365 बाधितांची नोंद ( 36000 New Covid Cases In Maharashtra ) झाली. त्यापैकी मुंबईत सुमारे 20 हजार रुग्ण आढळून आले आहेत. रुग्णसंख्या वाढत असली तरी मृत्यूदर कमी झाला आहे. आज एकूण 13 रुग्ण दगावले आहेत. तर दुसरीकडे ओमायक्रॉन या नव्या व्हेरीयंटचे 79 रुग्ण सापडले आहेत. कोरोनाचे आठ हजार 907 रुग्ण ठणठणीत बरे होऊन घरी परतले आहेत. ही दिलासादायक बाब आहे. राज्याच्या सार्वजनिक आरोग्य विभागाने ( Maharashtra Health Department ) यासंदर्भातील आकडेवारी जाहीर केली आहे.
दहा हजाराच्या झाली वाढ
पहिल्या आणि दुसऱ्या लाटेचा सामना केल्यानंतर आता कोरोनाच्या तिसऱ्या लाटेचा सामना करावा लागत आहे. मागील आठ दिवसांपासून कोरोना आणि ओमायक्रॉनचे रुग्ण राज्यभरात सापडत ( Maharashtra Corona Update ) आहेत. गेल्या दोन दिवसांत भरमसाठ रुग्णवाढ झाल्याचे दिसून येत आहे. बुधवारी 26 हजार बाधितांची नोंद झाली होती. आज तब्बल 10 हजार रुग्णांची यात भर पडली आहे. त्यामुळे आजची रुग्णसंख्या 36 हजार 365 वर पोहचली आहे. त्यापैकी केवळ मुंबईत 20 हजार 181 रुग्णांची नोंद आहे. राज्यात यामुळे 67 लाख 93 हजार 297 झाली आहे. दिवसभरात 8 हजार 907 रुग्ण ठणठणीत बरे होऊन घरी परतले. रुग्ण बरे होण्याचा आकडा 65 लाख 33 हजार 154 इतकी आहे. रुग्ण बरे होण्याचा दर 96.17 टक्के इतका आहे. दिवसभरात 13 रुग्णांचा मृत्यू झाला असून मृत्यूदर घटून 2.8 टक्के इतका ( Covid Death Rate Maharashtra ) आहे. रुग्ण शोधून काढण्यासाठी आजपर्यंत 6 कोटी 99 लाख 47 हजार 436 चाचण्या केल्या. या चाचण्यांपैकी 09.71 टक्के नमुने पॉझिटिव्ह आले आहेत. राज्यात सध्या 5 लाख 85 हजार 758 व्यक्ती होम क्वारंटाइन तर 1368 व्यक्ती संस्थात्मक क्वारंटाईनमध्ये आहे. 1 लाख 14 हजार 847 कोरोना सक्रिय रुग्ण आहेत, अशी माहिती आरोग्य विभागाकडून देण्यात आली.
ओमायक्रॉनचे आतापर्यंत 75 रुग्ण
राष्ट्रीय विज्ञान संस्था आणि एनसीसीएस केलेल्या अहवालानुसार राज्यात ओमायक्रॉनच्या 79 नव्या रुग्णांचे निदान झाले. त्यापैकी सर्वाधिक 57 रुग्ण मुंबईतील आहेत. ठाणे मनपा 7, नागपूर 6, पुणे मनपा 5, पुणे ग्रामीण 3, पिंपरी चिंचवड 1 येथील आहेत. त्यामुळे राज्यात ओमायक्रॉनच्या रुग्णांची संख्या 876 झाली आहे, असे राज्य सार्वजनिक आरोग्य विभागाचे म्हणणे ( Omicron In Maharashtra ) आहे.
ओमायक्रॉनचे 381 रुग्ण घरी परतले
1 डिसेंबरपासून आजपर्यंत 2 लाख 39 हजार 032 प्रवासी मुंबई, पुणे आणि नागपूर विमान तळावर उतरले. एकूण 61 हजार 473 प्रवाशांची आरटीपीआर चाचणी करण्यात आली. अति जोखमीच्या देशातील 368 आणि इतर देशातील 371 अशा एकूण 739 जणांची आरटीपीसीआर करण्यात आली. तर आजपर्यंतच्या 2641 प्रवाशांची जनुकीय चाचणी करण्यासाठी नमुने पाठवले आहेत. पैकी 87 नमुन्यांचा अहवाल प्रलंबित आहे, असे राज्य सार्वजनिक आरोग्य विभागाच्या आकडेवारीवरून स्पष्ट होते.
विभागात सर्वाधिक कोरोना रुग्ण
मुंबई महापालिका - 19780
ठाणे - 833
ठाणे मनपा - 2370
नवी मुंबई पालिका - 2297
कल्याण डोबिवली पालिका - 1308
वसई विरार पालिका - 901
नाशिक - 110
नाशिक पालिका - 411
अहमदनगर - 99
अहमदनगर पालिका - 45
पुणे - 538
पुणे पालिका - 2318
पिंपरी चिंचवड पालिका - 813
सातारा - 169
नागपूर मनपा - 403
ओमायक्रॉनचे सर्वाधिक रुग्ण
मुंबई - 565
पुणे मनपा - 83
पिंपरी चिंचवड - 45
ठाणे मनपा - 36
नागपूर - 30
पुणे ग्रामीण - 29
पनवेल - 17
नवी मुंबई - 10
कोल्हापूर - 10
सातारा - 8
कल्याण - डोंबिवली - 7
उस्मानाबाद - 6
भिवंडी - ५
वसई-विरार - 4
नांदेड, अमरावती, उल्हासनगर - 3 प्रत्येकी
औरंगाबाद, बुलढाणा, मीरा भाईंदर, सांगली - प्रत्येकी 2
लातूर, अहमदनगर, अकोला, रायगड - प्रत्येकी 1
हेही वाचा - परभणीच्या नवोदय विद्यालयातील 5 शिक्षक कोरोनाबाधित; 1 ली ते 8 वीच्या शाळा बंद
