हिंगणघाट प्रकरणी आरोपीविरोधात आरोपपत्र दाखल; गृहमंत्र्यांची माहिती

कोरेगाव-भीमा व एल्गार परिषद हे दोन वेगळे विषय आहेत. त्यावर मुख्यमंत्र्यांसोबत योग्य ती चर्चा करून योग्य ती पावले उचलली जातील, असे गृहमंत्र्यांनी स्पष्ट केले आहे.

मुंबई - हिंगणघाटच्या दुर्दैवी घटनेतील आरोपी विकी नगराळे याच्यावर आज (शुक्रवार) आरोपपत्र दाखल करण्यात आले आहे. लवकरात लवकर त्याला शिक्षा कशी मिळेल यासाठी आमचा पाठपुरावा चालू आहे. 23 दिवसांमध्ये या घटनेचे आरोपपत्र दाखल झाले असल्याची माहिती गृहमंत्री अनिल देशमुख यांनी दिली. तसेच उज्ज्वल निकम हे सरकारच्या बाजूने हा खटला लढवतील व आरोपीला कडक शिक्षा होईल त्या दिशेने पावले उचलतील असेही त्यांनी सांगितले.

दरम्यान, कोरेगाव भीमा व एल्गार परिषद हे दोन वेगळे विषय आहेत. त्यावर मुख्यमंत्र्यांसोबत योग्य ती चर्चा करून योग्य ती पावले उचलली जातील, असे गृहमंत्र्यांनी स्पष्ट केले आहे.

मुंबई आयुक्तांना मुदतवाढ नाही -

मुंबई पोलीस आयुक्त पदी संजय बर्वे यांना मुदतवाढ मिळणार नसून लवकरच नवीन आयुक्तांचे नाव जाहीर करण्यात येणार असल्याचे गृहमंत्र्यांनी सांगितले.

हेही वाचा -