मुंबई मुंबईमध्ये दोन वर्षे कोरोनामुळे सर्व सण निर्बंधांमध्ये साजरे करावे लागले होते. यंदा कोरोनाचा प्रसार कमी झाल्याने निर्बंध हटवल्याने सर्व सण धुमधडाक्यात साजरे केले जाणार आहेत. काही दिवसांवर गणेशोत्सव Ganeshotsav 2022 आला आहे. यासाठी सर्व मंडळे सज्ज झाली आहेत. यावर्षी पुन्हा भाविकांना उंच मुर्त्या आणि देखावे पाहायला मिळणार आहेत. मुंबईमधील सुप्रसिद्ध अशा खेतवाडी गणेशोत्सव मंडळाने Khetwadi Ganeshotsav Mandal तयार केलेली, परशुरामाच्या अवतारामधील ३८ फूट उंच मूर्ती पाहायला मिळणार आहे. सर्वात उंच मूर्ती त्यासोबत सामाजिक संदेश देणारी सजावट हे या मंडळाचे वैशिष्ट्य आहे. यावेळी मंडळाकडून सजावटीसाठी पुर्णपणे इको फ्रेंडली वस्तूंचा completely eco friendly materials decoration वापर करण्यात आला आहे.
परशुरामाच्या अवतारामधील ३८ फूट उंच मूर्ती खेतवाडी ११ वी गल्लीतील सार्वजनिक गणेशोत्सव मंडळाची स्थापना १९६१ रोजी झाली. मंडळाचे उत्सवाचे हे ६१ वे वर्ष आहे. यंदा ३८ फूट उंच, श्री गणेशमूर्तीची स्थापना केली जाणार आहे. परशुरामाच्या अवतारामधील उभी गणेशमूर्ती हे या मूर्तीचे वैशिष्ट्य आहे. गणेशमूर्तीला चार हात असून मूर्तिच्या एका हातात परशु, दुसऱ्या हातात रुद्राक्षांची माळ, तिसऱ्या हातात धनुष्यबाण तर चौथा हात आशीर्वाद देतांना दाखवण्यात आला आहे. ही मूर्ती प्रसिद्ध मूर्तिकार कुणाल पाटील यांनी साकारली आहे. मुंबईतच नाही, तर संपूर्ण महाराष्ट्रातील ही सर्वात उंच गणेशमूर्ती असल्याचा दावा मंडळाकडून करण्यात आला आहे. २०१९ मध्ये या मंडळाकडून ३० फूट उंच मूर्तीची स्थापना करण्यात आली होती.
उत्साह वाढला आहे कोविड काळात निर्बंध होते. निर्बंध सरकारने शिथिल केले आहेत. त्यामुळे उत्साह वाढला आहे. दोन वर्षानंतर पुन्हा सण साजरा करण्यास मिळत आहे. त्यामुळे तो मोठ्या उत्साहात साजरा करण्याचे ठरवण्यात आले आहे. हिंदू सण आणि परंपरा टिकवणे गरजेचे आहे. त्याचाच एक प्रयत्न म्हणून सर्वात उंच मूर्ती बनवण्याचा निर्णय घेतल्याचे कार्याध्यक्ष गणेश वडवेल यांनी सांगितले.
सामाजिक कार्यात सहभाग रक्तदान शिबिर, गरजूंना आवश्यक वस्तूंचे वाटप, आदी सामाजिक कामात मंडळाचा सहभाग आहे. मंडळाकडून चार आदीवासी पाडे दत्तक घेतले आहेत. यावेळी संस्कृतीक कार्यक्रमांसह महिलांचे अथर्वशीर्ष पठण, भजन, कीर्तन हे वैशिष्ट्य राहणार असून, ज्येष्ठ नागरिकांना रांगेशिवाय थेट दर्शन करण्याची सुविधा दिली असल्याचे, वडवेल यांनी सांगितले.
हेही वाचा Shani Amavasya 2022 14 वर्षांनंतर भाद्रपदातील शनि अमावस्येचा दुर्मिळ योगायोग
