Shivsena MP Join Eknath Shinde Group : शिवसेनेचे ११ खासदार मुख्यमंत्री एकनाथ शिंदेंच्या संपर्कात?

लवकरच ११ खासदार शिंदे यांच्या ( Shinde-BJP group ) गटात सामील होणार अशी शक्याता आहे. शिवसेनेच्या चिन्हावर निवडून आलेल्या खासदारांनी पक्षप्रमुख उद्धव ठाकरे ( Party chief Uddhav Thackeray ) यांना हादरा देण्याच्या हालचाली सुरू केल्या आहेत. सध्या सेनेचे १८ खासदार आहेत. त्यापैकी ११ खासदार शिंदे गटात सहभागी होणार असल्याची माहिती सुत्रांकडून मिळाली आहे.

मुंबई - एकनाथ शिंदे ( CM Eknath Shinde ) यांनी बंडखोरी करत शिवसेनेत भगदाड पाडल्यानंतर आता खासदार शिंदेच्या वाटेवर आहेत. शिंदे यांचे बंड थंड झाले असताना आता एकूण 11 खासदार लवकरच शिंदे यांच्या गटात सामील होणार अशी शक्याता आहे. त्यामुळे हा शिवसेनेसाठी तसेच पक्षप्रमुख उद्धव ठाकरे यांच्यासाठी मोठा असणार आहे.

११ खासदार शिंदे गटात होणार सहभागी? राज्यात महाविकास आघाडी ( Mahavikas Aghadi ) सरकारने अडीच वर्षांचा कालावधी पूर्ण केल्यानंतर एकनाथ शिंदे यांनी हिंदुत्वाचा मुद्दा पुढे करत शिवसेनेचे पक्षप्रमुख उद्धव ठाकरे यांच्या विरोधात बंड पुकारले होते. तेव्हा सेनेचे ५० आमदार शिंदे गटात सहभागी होते. शिंदे यांनी केलेल्या बंडानंतर त्यांना राज्याचे मुख्यमंत्री पद मिळाले. आता शिवसेनेच्या चिन्हावर निवडून आलेल्या खासदारांनी पक्षप्रमुख उद्धव ठाकरे यांना हादरा देण्याच्या हालचाली सुरू केल्या आहेत. सध्या सेनेचे १८ खासदार आहेत. त्यापैकी ११ खासदार शिंदे गटात सहभागी होणार असल्याची माहिती सुत्रांकडून मिळाली आहे.

हेही वाचा - Bhavana Gawali : महाराष्ट्रातील झटक्यानंतर शिवसेना सावध; प्रतोद पदावरुन भावना गवळींची उचलबांगडी

खासदार शेवाळे यांचे पत्र उघड - राष्ट्रपती पदाच्या निवडणुकीत शिवसेनेने विरोधी पक्षांचे उमेदवार यशवंत सिन्हा यांना पाठिंबा जाहीर केला आहे. शिवसेनेच्या काही खासदारांनी याविरोधात भूमिका घेतली आहे. मुंबईतील खासदार राहुल शेवाळे ( MP Rahul Shewale ) यांनी पक्षप्रमुख उद्धव ठाकरे यांना एक पत्र लिहून भाजपच्या राष्ट्रपतीपदाच्या उमेदवाराला पाठिंबा देण्याची उघडपणे मागणी केली आहे. अशातच बंडखोर आमदारांकडून अनेक खासदार संपर्कात असल्याचे सांगण्यात येत आहे. बंडखोर आमदार आणि माजी मंत्री गुलाबराव पाटील यांनी ११ आमदार संपर्कात असल्याचे जाहीर केले होते. खासदार शेवाळे यांच्या उघड पत्रामुळे खासदारांच्या बंडखोरीच्या वृत्ताला दुजोरा मिळतो आहे.

या खासदारांच्या समावेशाची शक्यता - राहुल शेवाळे (दक्षिण मध्य मुंबई), श्रीकांत शिंदे (कल्याण - डोंबिवली), कृपाल तुमाने (रामकेट ), हेमंत पाटील (हिंगोली), सदशिव लोखंडे (शिर्डी), भावना गवळी (यवतमाळ), प्रतापराव जाधव (बुलढाणा), राजेंद्र गावित (पालघर), हेमंत गोडसे (नाशिक), श्रीरंग बारणे (मावळ) आणि राजन विचारे (ठाणे) या संभाव्य नावांचा समावेश असल्याचे सूत्रांचे म्हणणे आहे.

दरम्यान, एकनाथ शिंदे ( Eknath Shinde ) साहेबांच्या गटात 40 आमदार सध्या आहेत, तर शिवसेनेचे 12 खासदार आमच्या गटात सामील होत असल्याचा गौप्यस्फोट माजी पाणीपुरवठा मंत्री गुलाबराव पाटील ( Former Water Supply Minister Gulabrao Patil ) यांनी जळगावामध्ये केला आहे. शिवसेना पक्ष हा आता आमचाच असून, 4 खासदारांना मी स्वतः भेटलोय. 22 माजी आमदार ही आमच्या गटात सामील होणार असून शिवसेना ( Shiv Sena ) पक्ष पुन्हा नव्या ताकदीने उभा करण्यासाठी आम्ही सर्व बाहेर निघालोय असे गुलाबराव पाटील यावेळी म्हणाले आहेत.

पक्ष बळ घटत चालल्याने आम्ही सर्वांनी बंडखोरीचा निर्णय घेतला आहे. आम्ही शिवसेना सोडली नसून शिवसेनेतून उठाव केला आहे. एकनाथ शिंदे गट पुढील काळात शिवसेना म्हणून काम करणार आहे. आम्ही कुठल्याही पक्षात प्रवेश केलेला नाही. आम्ही आमच्या मंत्रिपदे सोडून शिवसेना पक्ष वाचवण्यासाठी बाहेर निघालो, तर ठाकरे कुटुंबीयांवर कोणीही टीका करणार नाही असेही गुलाबराव पाटील म्हणाले आहेत. काही लोकांनी उद्धव साहेबांना फसवण्याचा प्रयत्न केला आहे, म्हणूनच हे दिवस आले आहेत. काही लोकांची ऐकून उद्धव साहेबांनी आम्हाला सोडलं आम्ही उद्धव साहेबांना नाही. अशा विविध मुद्द्यांवर माझी पाणीपुरवठा मंत्री गुलाबराव पाटील यांनी जळगावमध्ये पत्रकारांशी बोलताना गौप्यस्फोट केले आहे.

हेही वाचा - Uddhav Thackeray : 'तुम्हाला देण्यासारखं आता माझ्याकडे काही नाही'; उद्धव ठाकरेंचं शिवसैनिकांना भावनिक आवाहन