कोल्हापूर - साडेतीन शक्तीपीठांपैकी एक पीठ अशी ओळख असलेल्या करवीर निवासिनी अंबाबाईची मूर्ती बदलणार नाही. ही फक्त अफवा आहे, अशी माहिती पश्चिम महाराष्ट्र देवस्थान समितीचे अध्यक्ष महेश जाधव यांनी आज दिली.
अंबाबाईच्या मूर्तीबाबत माहिती देताना देवस्थान समितीचे अध्यक्ष महेश जाधव
करवीर निवासिनी अंबाबाईची मूर्ती बदलण्यात येणार असल्याचे वृत्त काही माध्यमांनी प्रसारित केले. मात्र, याबाबत माहिती देताना जाधव यांनी कुठल्याही परिस्थिती मूर्ती बदलणार नसल्याचे स्पष्ट केले. मूर्तीला कुठलाही धोका नसून ४ वर्षांपूर्वी देवीच्या मूर्तीवर रासायनिक संवर्धन प्रक्रिया केल्यामुळे ती सुस्थितीत आहे. प्रसारमाध्यमांनी याबाबतचे वृत्त प्रसारित करताना काळजी घ्यावी, असे जाधव यांनी सांगितले.
