Raju Shetty On Onion Prices : या 13 रूपयांमधून सरकारचा 13 वा घालावा का? राजू शेट्टी संतापले

सोलापूर जिल्ह्यातील बापू कावडे या शेतकऱ्याने दोन दिवसांपूर्वी 24 पोते कांदे कृषी उत्पन्न बाजार समितीमधील रूद्रेश पाटील या व्यापाऱ्याला विक्री केले. जवळपास 1123 किलो कांदे विकून या शेतकऱ्याला 1665 रूपये मिळाले. मात्र हमाली, तोलाई, मोटार भाडे वजा केल्यानंतर बापू कावडे यांच्या हातात केवळ 13 रूपये ( Onion prices now cheaper ) मिळाले. यावर स्वाभिमानी शेतकरी संघटनेचे नेते राजू शेट्टी ( Raju Shetty criticize BJP On Onion Prices ) यांनी संतप्त प्रतिक्रिया दिली.

कोल्हापूर - सोलापूर कृषी उत्पन्न बाजार समितीत एका शेतकऱ्याला तब्बल बाराशे किलो कांदा विकुन त्याच्या हातात केवळ 13 रुपये शिल्लक राहिले ( Onion prices now cheaper ) आहेत. नुकताच त्याची पावती व्हायरल झाली. बाराशे किलो कांदा विकून शेतकऱ्यांचा हातात 13 रुपये राहत असतील तर ही खूपच चिंताजनक बाब आहे. त्यामुळे शेतात घाम गाळून पिकवलेल्या मालाला काहीच किंमत नाही का, असा सवाल करत या 13 रूपयामधून सरकारचे 13 वे घालावे का? अशी संतप्त प्रतिक्रिया स्वाभिमानी शेतकरी संघटनेचे नेते राजू शेट्टी ( Raju Shetty criticize Government On Onion Prices ) यांनी दिलीय.

केंद्र आणि राज्य सरकारच्या धोरणाचे पाप -सोलापूर जिल्ह्यातील बापू कावडे या शेतकऱ्याने दोन दिवसांपूर्वी 24 पोते कांदे कृषी उत्पन्न बाजार समितीमधील रूद्रेश पाटील या व्यापाऱ्याला विक्री केले. जवळपास 1123 किलो कांदे विकून या शेतकऱ्याला 1665 रूपये मिळाले. मात्र हमाली, तोलाई, मोटार भाडे वजा केल्यानंतर बापू कावडे यांच्या हातात केवळ 13 रूपये मिळाले. त्याची एक पावती व्हायरल झाली आहे. त्यानंतर शेतकरी नेते राजू शेट्टी चांगलेच संतप्त झाले असून त्यांनी या शेतकऱ्याची व्यथा मांडली आहे. एव्हडा कांदा विकून सुद्धा शेतकऱ्याला 13 रुपये राहतात. म्हणजे याला राज्य आणि केंद्र सरकारचे धोरण जबाबदार आहे. ज्यावेळी कांद्याला चांगला भाव मिळतो. तेव्हा निर्यात बंदी लावायची. अनेकवेळा सरकारी कांदा विक्री केंद्र सुरू करून शेतकऱ्यांच्या कांद्याचा भाव पाडायचा यामुळेच शेतकरी अडचणीत येतात. त्यामुळे एकदिवस शेतकरी सरकारचे तेरावे घातल्याशिवाय राहणार नाहीत, असे शेट्टी म्हणाले.