औरंगाबाद - ईडी कारवाई ( Enforcement Directorate Action ) झाल्यामुळे ताठ मानेने फिरणार्‍या लोकांचं पितळ उघडं पडलं. त्यामुळे आता जळफळाट होत आहे. अशी टीका माजी विधानसभा अध्यक्ष आणि भाजप आमदार हरिभाऊ बागडे यांनी औरंगाबाद ( Haribhau Baghade On Raut ED Action ) येथे भाजप वर्धापन दिना ( BJP Foundation Day ) निमित्त निघालेल्या रॅलीमध्ये ( BJP Anniversary Rally in Aurangabad ) केली. दरम्यान ते म्हणाले की, राज्यात महाराष्ट्रात पुन्हा भाजप प्रचंड बहुमताने सत्तेत येईल असा विश्वास त्यांनी व्यक्त केला आहे.
पुरावे सादर करावे - ईडी कारवाई करताना सबळ पुरावे असल्याशिवाय करत नाही. तुमच्याकडे आलेली संपत्ती कुठून आली याबद्दल तुम्ही माहिती सांगितली पाहिजे, तुमच्याकडे येणारे उत्पन्न कस आलं, कुठून आलं. याबाबत तुम्ही तपशील द्यायला हवा. मात्र तो तपशील तुम्ही देत नाहीत. त्यामुळे मग ईडीला कारवाई करावी लागते. आणि ही कारवाई नेहमीच केली जाते. जर तुमच्याकडे मिळवलेली संपत्तीबाबत पुरावे असतील तर ते सादर करा, असा सल्ला हरिभाऊ बागडे यांनी राज्यातील महा विकास आघाडीमध्ये समाविष्ट असलेल्या नेत्यांना दिला.
राज्यात पुन्हा भाजपची सत्ता येणार - आज भारतीय जनता पक्षाचा वर्धापन दिवस आहे. बेचाळीस वर्षापूर्वी भाजप स्थापन करण्यात आली होती. त्यावेळी अनेकांनी टीका देखील केली होती. मात्र आज सलग दोनदा देशात बहुमताने सत्ता स्थापन करण्यात भाजपा यशस्वी झाला आहे. तर अनेक राज्यात विजयी पताका फडकली आहे. यापुढे महाराष्ट्रात पुन्हा भाजप प्रचंड बहुमताने सत्तेत येईल असा विश्वास हरिभाऊ बागडे यांनी व्यक्त केला. तर इंधनाचे दर वाढत आहे इतर राज्यांनी आपले कर कमी करून आठ ते दहा रुपयांना नागरिकांना दिलासा दिला आहे. मात्र राज्य सरकार हे पाऊल उचलत नाही, मात्र दुसरीकडे केंद्राकडे बोट दाखवत आहे. असा आरोप माजी विधानसभा अध्यक्ष आमदार हरिभाऊ बागडे यांनी केला.
हेही वाचा - MNS Rally In Thane : अखेर राज ठाकरे यांच्या सभेला पोलिसांची परवानगी, ठाण्यात 9 एप्रिलला होणार सभा
