Etv Bharat Special : अमरावतीतील कचरा फेकला जातो जंगलात, प्रशासनाचे दुर्लक्ष

अमरावती चांदुर रेल्वे मार्गावर वडाळी -पोहरा जंगलात मोठ्या प्रमाणात नागरी वसाहतीतील कचरा फेकला जातो आहे. या गंभीर प्रकाराबाबत अमरावतीचे माजी महापौर अशोक डोंगरे (Former Mayor Ashok Dongare) यांनी आक्षेप घेतला आहे.

अमरावती - अमरावती महापालिका क्षेत्रात असणाऱ्या नागरी वसाहतीतील घाण आणि कचरा कचरा डेपोत न जाता थेट शहरालगतच्या जंगल परिसरात फेकला जात असल्याचा धक्कादायक प्रकार समोर आला आहे. वडाळी - पोहरा जंगल (Wadali Pohari Forest Area) परिसरात मोठ्या प्रमाणात हा कचरा फेकला जात आहे. या भागातील प्राण्यांसाठी हा कचरा घातक ठरणारा असून पर्यावरणासाठी सुद्धा हे योग्य नाही. या गंभीर प्रकार जंगलात सुरू असताना वन विभागाच्या वतीने मात्र याकडे गंभीर प्रकाराकडे दुर्दैवाने दुर्लक्ष केले जात असल्याचेच दिसत आहे.

माजी महापौरांनी घेतला आक्षेप

अमरावती चांदुर रेल्वे मार्गावर वडाळी -पोहरा जंगलात मोठ्या प्रमाणात नागरी वसाहतीतील कचरा फेकला जातो आहे. या गंभीर प्रकाराबाबत अमरावतीचे माजी महापौर अशोक डोंगरे यांनी आक्षेप घेतला आहे. या जंगलात मोठ्या संख्येने बिबट आहेत तसेच नीलगाय हरीण ससे मोठ्या प्रमाणात असून जंगल परिसरात अशा स्वरूपाचा कचरा आणून तो जाण्याचा प्रकार अतिशय गंभीर आहे. काही ठिकाणी कचरा तसाच फेकला असून काही भागात कचरा जाळण्यात आला आहे. जंगलात मोठ्या प्रमाणात कचरा जाळण्याच्या प्रकारामुळे जंगल भागात आग लागण्याची शक्यता आहे हा प्रकार अतिशय गंभीर असताना वनविभागाचे अधिकारी डोळे मिटून बसले असल्याचा आरोप अशोक डोंगरे यांनी 'ई टीव्ही भारत' शी बोलताना केला आहे.

राज्य राखीव पोलीस दल वसाहतीतील कचरा जंगलात

राज्य राखीव पोलीस दल वसाहतीकडे महापालिका प्रशासनाचे अजिबात लक्ष नाही. या भागात साफसफाई केली जात नाही तसेच प्रत्येक घरातील कचरा नेण्यासाठी घंटी खटलेही येत नाही. यामुळे राज्य राखीव पोलीस दल वसाहतीच्या भिंतीलगत मोठ्या प्रमाणात कचर्‍याचा ढिगारा लागला आहे. राज्य राखीव पोलीस दल वसाहत तीतील अधिकाऱ्यांच्या घरातील कचरा मात्र ट्रकमध्ये भरून थेट लगतच्या जंगल परिसरात फेकण्यात येतो. घरातील सर्व प्रकारचे टाकाऊ सामान, प्लास्टिकच्या वस्तू मोठ्या प्रमाणात जंगलात विकण्यात आल्याचे आढळून आले आहे. राज्य राखीव पोलीस दलाच्या प्रमुखांना जंगल पर्यावरण या संदर्भात कुठलेही भान नाही का असा सवाल माजी महापौर अशोक डोंगरे यांनी केला आहे. राज्य राखीव पोलीस दल वसाहत तिथून महापालिका कर वसुली करते. मात्र या वसाहतीतील कचरा कंपोस्ट डेपोवर नेण्याची व्यवस्था महापालिकेकडून केली जात नसल्याचा आरोप देखील अशोक डोंगरे यांनी केला आहे.

हेही वाचा - Drugs case : नवाब मलिकांचे जावई समीर खान यांचा जामीन रद्द करण्यासाठी एनसीबीची मुंबई उच्च न्यायालयात धाव

आकाशवाणी केंद्रालगतही कचऱ्याचे ढिगारे
वडाळी - पोहरा जंगलात प्रमाणेच अमरावती नागपुर एक्सप्रेस हायवे (Nagpur Express Highway) लगत आकाशवाणी केंद्राच्या भिंतीशी मोठ्या प्रमाणात कचऱ्याचे ढिगरे लागले आहेत. तपोवन , व्यंकय्या पुरा आणि जिल्हा मध्यवर्ती कारागृह परिसरा लगत हा बेकायदेशीर कचरा डेपो महापालिकेने केला असून या ठिकाणचा कचरा महामार्गावर उडत जात असल्यामुळे मार्गावरून धावणार्‍या वाहनांनाही त्याचा त्रास होतो आहे असा आरोप अशोक डोंगरे यांनी केला. नागरी वसाहतीत असा कचरा फेकण्यात आल्याने गाई -म्हशी या ठिकाणी प्लास्टिकच्या पिशव्या तसेच इतर निरुपयोगी वस्तू हात असल्यामुळे त्या आजारी पडण्याची भीती असल्याचेही अशोक डोंगरे म्हणाले. महापालिका आयुक्तांसह आरोग्य अधिकारी यांचे या गंभीर समस्येकडे लक्ष नसल्याचे ही अशोक डोंगरे यांनी म्हटले आहे.

जंगलात कचरा फेकणे हा गुन्हा
कुठल्याही जंगल भागात किंवा वनपरिक्षेत्र मध्ये कचरा टाकणे योग्य नाही. वन्यजीव संरक्षण अधिनियम 1972 तसेच वनसंवर्धन अधिनियम आणि जैवविविधता संवर्धन कायद्याअंतर्गत हा गुन्हा असल्याचे पर्यावरणाशी निगडित कार्यकर्ते यादव तरटे ई टीव्ही भारतशी बोलताना म्हणाले. सामान्य नागरिक म्हणून आपण स्वतःच्या जीवाची ज्याप्रमाणे काळजी घेतो तशीच इतर जीवांनाही त्रास होऊ नये याची जबाबदारी आपलीच आहे. जंगलामध्ये तसेच इतरत्र कचरा फेकल्या मुळे पशुपक्ष्यांचे जीव धोक्यात येऊ शकतात. या कचऱ्यावर गावठी कुत्रे आणि डुकरांची गर्दी वाढली तर याठिकाणी येण्याची भीती सुद्धा वाढते आणि यामुळे बिबट्यांचा माणसांवर हल्ला होण्याची शक्यता असून मनुष्य आणि वन्यजीव संघर्ष होऊ शकतो. हा संपूर्ण प्रकार टाळण्यासाठी महापालिका प्रशासनासह वेगवेगळ्या यंत्रणा आणि नागरिकांनी सुद्धा सहकार्य करणे गरजेचे असल्याचे यादव तरटे म्हणाले.
हेही वाचा - ओमायक्रॉन वाढत आहे, सध्या फक्त कठोर निर्बंध वाढवणार, लॉकडाऊन नाही - आरोग्य मंत्री राजेश टोपे