मुंबई : जागतिक बाजारातील मंदीच्या ट्रेंडमुळे सेन्सेक्स 826 अंकांनी घसरल्याने सोमवारी सुरुवातीच्या व्यवहारात इक्विटी बेंचमार्क निर्देशांकात मोठी घसरण (Stock markets fall due to signs of global recession ) झाली.मुंबई शेअर बाजाराचा बेंचमार्क 825.61 अंकांनी घसरून 57,365.68 वर आला, तर नॅशनल स्टॉक एक्स्चेंजचा निफ्टी 249.95 अंकांनी घसरून 17,064.70 वर आला.
30 शेअर्सच्या सेन्सेक्स पॅकमध्ये एशियन पेंट्स, एचडीएफसी, एचडीएफसी बँक, टाटा स्टील, नेस्ले आणि हिंदुस्थान युनिलिव्हर या कंपन्या सर्वात जास्त पिछाडीवर होत्या. तर दुसरीकडे, पॉवर ग्रिडलाच यामध्ये फायदा झाला. शुक्रवारी ( 9 ऑक्टोबर ) रोजी अमेरिकन शेअर बाजारात लक्षणीय घसरण झाली तर आशियातील शांघाय आणि हाँगकाँगमधील शेअर बाजारात तोट्याने व्यवहार सुरू होते.
जागतिक घसरणीचा परिणाम - जागतिक पातळीवर शेअर बाजारातील उलाढालीतून झालेल्या घसरणीचा परिणाम सोमवारी भारतीय शेअर बाजारावर पहायला मिळाला. यूएसमध्ये गेल्या शुक्रवारी पुन्हा सुरू झालेल्या बाजारांसाठी वाईट दिवस ठरला. यूएस बेरोजगारीचा दर 3.5 टक्क्यांनी यामध्ये आश्चर्यकारकपणे कमी झाला. फेडला बाजारापेक्षा जास्त काळ व्याजदर वाढवावे लागतील, असे जिओजित फायनान्शियल सर्व्हिसेसचे मुख्य गुंतवणूक धोरणकार व्ही. के. विजयकुमार म्हणाले.
भारत मात करेल का ? - शुक्रवारी BSE बेंचमार्क 30.81 अंकांनी किंवा 0.05 टक्क्यांनी घसरून 58,191.29 वर स्थिरावला तर निफ्टी 17.15 अंकांनी किंवा 0.10 टक्क्यांनी घसरून 17,314.65 वर बंद झाला. नजीकच्या काळासात इक्विटी बाजार अनिश्चित प्रदेशात उतरतील.भारत शेअर बाजारात यावर मात करेल का हा मोठा प्रश्न असल्याचे विजय कुमार यांनी नमूद केले. विदेशी संस्थागत गुंतवणूकदारांनी शुक्रवारी 2,250.77 कोटी रुपयांचे शेअर्स उतरवले, अशी माहिती BSE कडे उपलब्ध आहे.दरम्यान, आंतरराष्ट्रीय तेल बेंचमार्क ब्रेंट क्रूड फ्युचर्स 0.87 टक्क्यांनी घसरून USD 97.05 प्रति बॅरल इतके झाले आहे.
फेडरल रिझर्व्ह व्याजदर - यूएस सप्टेंबरचा रोजगार अहवाल असे सूचित करतो की, फेडरल रिझर्व्ह व्याजदर आक्रमकपणे उचलण्याच्या मार्गावर आहे. उच्च ऊर्जा किमती महागाईचा दबाव वाढवू शकतात या भीतीने गुंतवणूकदार आता मासिक ग्राहक किंमत निर्देशांक अहवालाकडे पहात आहेत, असे संशोधन विश्लेषक, वरिष्ठ उपाध्यक्ष (संशोधन), मेहता इक्विटीज लिमिटेड, प्रशांत तपासे यांनी सांगितले आहे.
