नवी दिल्ली: केंद्रीय अप्रत्यक्ष कर आणि सीमा शुल्क मंडळ ( CBIC ) ने म्हटले आहे की, स्पीकर आणि सिम ट्रे सारख्या घटकांसह येणारे मोबाइल फोन डिस्प्ले असेंबली आयात केल्यास केवळ 15 टक्के दराने मूलभूत सीमा शुल्क ( BCD ) लागू होईल. सीबीआयसीने आपल्या एका परिपत्रकात हे स्पष्टीकरण दिले आहे. मोबाईल डिस्प्ले असेंबली युनिटच्या आयातीवर ( Mobile display assemblies containing parts ) सध्या 10 टक्के दराने सीमाशुल्क आकारले जाते.
परंतु डिस्प्ले असेंबलीमध्ये वापरल्या जाणार्‍या वैयक्तिक उपकरणांच्या आयातीवर कोणतेही शुल्क नाही. मोबाईल फोनच्या डिस्प्ले ( Mobile display assemblies ) युनिटमध्ये टच पॅनल, कव्हर ग्लास, एलईडी बॅकलाईट आणि FPC सारखे भाग असतात. डिस्प्ले असेंब्लीच्या आयातीत चुकीची माहिती दिल्याच्या घटना घडल्याचे सीबीआयसीने म्हटले आहे. या परिस्थितीवर मात करण्यासाठी बीसीडीमध्ये बदल करण्यात आले आहेत.
सीबीआयसीने आपल्या प्रादेशिक कार्यालयांना पाठवलेल्या परिपत्रकात ( Circular of CBIC to Regional Offices ) म्हटले आहे की, जर मोबाईल फोन डिस्प्ले युनिट केवळ धातू किंवा प्लास्टिकपासून बनवलेल्या बॅक सपोर्ट फ्रेमसह आयात केले गेले, तर त्यावर 10 टक्के दराने कर लागू होईल. तथापि, जर धातू किंवा प्लास्टिकपासून बनविलेले बॅक सपोर्ट फ्रेम स्वतंत्रपणे आयात केले असेल तर 15 टक्के दराने सीमा शुल्क आकारले जाईल.
सीबीआयसीने स्पष्ट केले आहे की, 10 टक्के सवलतीच्या दराने बीसीडीचा लाभ डिस्प्ले असेंबली आणि त्याच्याशी संलग्न इतर उपकरणांसाठी उपलब्ध होणार नाही. EY इंडियाचे कर भागीदार सौरभ अग्रवाल म्हणाले की, या हालचालीमुळे डिस्प्ले असेंब्लीच्या आयातीबाबत मोबाईल फोन उत्पादकांसमोरील परिस्थिती आता स्पष्ट होईल. मोबाईल फोन उद्योग संस्था इंडिया सेल्युलर अँड इलेक्ट्रॉनिक्स असोसिएशन ( ICEA ) ने म्हटले आहे की, हे परिपत्रक भारतीय आणि परदेशी सर्व गुंतवणूकदारांना सकारात्मक संदेश देईल. संघटनेचे अध्यक्ष पंकज मोहिंद्रू म्हणाले, "हे परिपत्रक उद्योगासाठी मोठा दिलासा आहे आणि अनावश्यक वाद निर्माण होणार नाही."
हेही वाचा - Adani Power Acquire DB Power अदानी पॉवर ७००० कोटी रुपयांना डीबी पॉवर घेणार
