नवी दिल्ली - देशात पेट्रोल आणि डिझेलचे भाव थांबायचं नाव घेत नाहीयेत. दररोज इंधनाचे भाव गगनाला भिडत आहेत. पेट्रोल आणि डिझेलचे दर रविवारीगी वाढले. तेल कंपन्यांनी आज पेट्रोल आणि डिझेलच्या किंमती 34 पैशांवरून 35 पैशांपर्यंत वाढवल्या आहेत. राष्ट्रीय राजधानी दिल्लीत पेट्रोलची किंमत 105.84 रुपये प्रति लीटर आणि मुंबईत 111.77 रुपये प्रति लीटरवर पोहोचली आहे. त्याचबरोबर मुंबईत आता डिझेल 102.52 रुपये प्रति लीटर दराने विकले जात आहे. तर दिल्लीत डिझेलची किंमत 94.57 रुपये प्रति लीटर आहे.
महत्वाच्या शहरांमधील पट्रोल आणि डिझेलच्या किंमती -
| शहर | पेट्रोल | डिझेल |
| दिल्ली | 105.84 | 94. 57 |
| मुंबई | 111.77 | 102.52 |
| कोलकाता | 106.45 | 97.88 |
| चेन्नई | 103.05 | 98.82 |
दररोज सकाळी 6 वाजता पेट्रोल आणि डिझेलचे दर बदलतात. पेट्रोल आणि डिझेलच्या किंमतीत एक्साईज ड्यूटी, डीलर कमिशन आणि इतर सर्व दर जोडल्याने इंधनाची किंमती जवळजवळ दुप्पट होते. देशाला 89 टक्के कच्चे तेल आयात केले जाते. म्हणूनच जेव्हा आंतरराष्ट्रीय बाजारात किंमतीमध्ये चढ-उतार होतो. तेव्हा भारतातील तेलाच्या किंमतींमध्ये मोठी वाढ होते. तेलाच्या किंमती वाढण्यामागे प्रामुख्याने दोन कारणे आहेत. आंतरराष्ट्रीय कच्च्या तेलाच्या किंमती आणि केंद्र व राज्ये यांच्याकडून उच्च कर दरात वाढ. पेट्रोल आणि डिझेलवरील कराचे दर राज्यात वेगवेगळे असतात.
