नवी दिल्ली - केंद्रीय अर्थमंत्री निर्मला सीतारामन यांनी महात्मा गांधी रोजगार हमी योजनेसाठी (मनरेगा) अतिरिक्त ४० हजार कोटी रुपयांची घोषणा केली आहे. या निधीमुळे घरी परतणाऱ्या स्थलांतरित मजुरांना रोजगार मिळू शकणार असल्याचे सीतारामन यांनी सांगितले.
आर्थिक पॅकेजचा चौथा टप्पा जाहीर करताना केंद्रीय अर्थमंत्री निर्मला सीतारामन यांनी मनरेगासाठी अतिरिक्त निधी जाहीर केला आहे. यापूर्वी केंद्रीय अर्थसंकल्पात मनरेगासाठी ६१ हजार कोटी रुपयांची तरतूद करण्यात आली होती.
हेही वाचा-आठ क्षेत्रातील सुधारणांची घोषणा; संरक्षण क्षेत्रातील एफडीआयला ४४ टक्क्यांवरून ७४ टक्के परवानगी
सार्वजनिक आरोग्यासाठी अतिरिक्त निधी खर्च करण्यात येणार असल्याचे सीतारामन यांनी सांगितले. आरोग्य संस्थांमध्ये गुंतवणूक वाढविण्यात येणार आहे.
हेही वाचा-आत्मनिर्भर पॅकेज : कर्ज मर्यादा वाढविल्याने राज्यांना ४.२८ लाख कोटी मिळणार - केंद्रीय अर्थमंत्री
