नवी दिल्ली - केंद्रीय अर्थमंत्री निर्मला सीतारामन यांनी बँकेमध्ये ठेवी ठेवणाऱ्या ग्राहकांना दिलासा मोठा निर्णय घेतला आहे. बँकेत ठेवण्यात येणाऱ्या ५ लाखापर्यंतच्या रकमेवर विमा संरक्षण देण्यात येणार आहे. यापूर्वी १ लाख रुपयापर्यंतच विमा संरक्षण देण्यात येणार आहे.
बँकांमधील ठेवीवरील विमा संरक्षणाची मर्यादा वाढवावी, अशी ग्राहकांची मागणी होती. या मागणीची केंद्रीय अर्थसंकल्पात दखल घेण्यात आली आहे.
- केंद्रीय अर्थमंत्री निर्मला सीतारामन यांनी बँकांसाठी साडेतीन लाख कोटींचा निधी देण्याचेही जाहीर केले.
- सरकारी बँकांमधील भरती प्रक्रियेत सुधारणा करण्यात येणार आहे.
- बँकेतील अराजपत्रित जागांच्या भरतीसाठी स्वतंत्र एजन्सीची स्थापना करण्यात येणार आहे.
पंजाब महाराष्ट्र को-ऑपरेटिव्ह बँकेत घोटाळा झाल्यानंतर बँकेच्या ग्राहकांमध्ये असुरक्षितता निर्माण झाली होती.
