नवी दिल्ली - केंद्र सरकारने देशामध्ये दुकाने सुरू करण्याला परवानगी दिली आहे. असे असले तरी केशकर्तनालयाची दुकाने (सलून) व दुकाने बंद राहणार असल्याचे केंद्रीय गृहमंत्रालयाच्या संयुक्त सचिव पुण्य सलिला श्रीवास्तव यांनी स्पष्ट केले.
केंद्रीय गृहमंत्रालयाने केवळ वस्तू विक्री करणाऱ्या दुकानांबाबत आदेश दिले आहेत. केशकर्तनालय हे सेवा क्षेत्रात आहेत. त्यामुळे दुकानांबाबतचे आदेश केशकर्तनालयाला लागू होत नसल्याचे केंद्रीय गृहमंत्रालयाच्या संयुक्त सचिव पुण्य सलिला श्रीवास्तव यांनी सांगितले. कोरोनाच्या लढ्यासाठी देण्यात आलेल्या मार्गदर्शकतत्वानुसार दारूच्या विक्रीवर निर्बंध आहेत. त्यामुळे दारूचे दुकानेही बंद राहणार असल्याचेही श्रीवास्तव यांनी सांगितले.
हेही वाचा-टाळेबंदी शिथील : मॉल वगळता दुकाने सुरू करण्याची गृहमंत्रालयाची परवानगी
दरम्यान, केंद्रीय गृहमंत्रालयाने देशात दुकाने सुरू करण्याची आजपासून परवानगी दिली आहे. शॉप अ‌ॅक्टमध्ये नोंदणीकृत असलेले व्यवसाय व दुकाने सुरू ठेवता येणार आहेत. यामध्ये रहिवाशी इमारती व मार्केट इमारतीमधील दुकानांचाही समावेश आहे. मात्र मॉलला वगळण्यात आले आहे. रेड झोन आणि कंटेनमेंट क्षेत्रातील दुकाने सुरू करण्याची परवानगी देण्यात आली नाही.
हेही वाचा-खनिज तेलाचे दर घसरूनही पेट्रोल-डिझेलचे दर ४० दिवसांपासून स्थिर
