अकोला - आज सकाळी प्राप्त झालेल्या अहवालात 19 जण कोरोना पॉझिटिव्ह सापडले आहेत. तर तेल्हारा येथील एका 65 वर्षीय स्त्री रुग्णाचा मृत्यू झाला आहे. यात 10 महिला व 9 पुरुषांचा समावेश आहे.
आज आढळलेल्या 19 कोरोनाबाधितांपैकी 2 जण तेल्हारा येथील, 2 जण खदान, 2 जण गुळजारपुरा, 2 जण हरिहर पेठ, 2 जण अकोट फैल येथील, तर उर्वरित वाशिम रोड, गाडेगाव, खैर मोहम्मद प्लॉट, मलकापूर जि. बुलडाणा, हातरून, आळशी प्लॉट, काळा मारोती, अकोट व हामजा प्लॉट येथील प्रत्येकी एक याप्रमाणे रहिवासी आहेत.
दरम्यान, काल रात्री उपचार घेताना तेल्हारा येथील रहिवासी असलेल्या एका 65 वर्षीय स्त्री रुग्णाचा मृत्यू झाला. ही महिला 29 जून रोजी रुग्णालयात दाखल झाली होती. तिचा काल मृत्यू झाला असून तिचा कोरोना अहवाल आज प्राप्त झाला आहे.
आज सकाळचा अहवाल
प्राप्त अहवाल-213
पॉझिटिव्ह अहवाल-19
निगेटिव्ह-194
सद्यस्थिती
एकूण पॉझिटिव्ह अहवाल- 1587
मृत-81
डिस्चार्ज-1165
