हैदराबाद : पेट्रोलियम आणि नैसर्गिक वायू मंत्रालयाकडून 10 ऑगस्ट रोजी 'जागतिक जैवइंधन दिन' पाळला जातो. जैवइंधनाच्या महत्त्वाचा प्रचार आणि प्रसार करण्याच्या उद्देशाने हा दिवस साजरा केला जातो, जैवइंधन म्हणून वनस्पती आणि सेंद्रिय पदार्थांपासून मिळवलेल्या उर्जा स्त्रोतांचा वापर करण्याच्या महत्त्वावर भर दिला जातो.
जैव इंधन काय आहे : हे एक अपारंपरिक इंधन आहे जे जगात सतत उत्सर्जित होणारे कार्बन थांबवण्यासाठी उपाय ठरू शकते. त्याचा वापर वाढला तर भारताचे कच्च्या तेलाच्या आयातीवरील अवलंबित्व कमी होईल, त्याशिवाय पर्यावरणाचे प्रदूषणही कमी होईल. खरेतर त्यात पारंपारिक इंधनांपेक्षा 86 टक्के कमी हरितगृह वायू असतात आणि 47 टक्के कमी धूर देखील उत्सर्जित करतात.
'जागतिक जैवइंधन दिना'चा इतिहास : जैवइंधनाचे महत्त्व आणि शाश्वत विकासासाठी त्यांचे योगदान याबद्दल जागरुकता निर्माण करण्यासाठी दरवर्षी 10 ऑगस्ट रोजी जागतिक 'जैवइंधन दिन' पाळला जातो. डिझेल इंजिनचे शोधक सर रुडॉल्फ डिझेल यांनी शेंगदाणा तेलाचा वापर करून इंजिन यशस्वीपणे चालवले, तेव्हा म्हणजे 1893 साली हा दिवस निवडण्यात आला. हा कार्यक्रम जैवइंधनाच्या पर्यायांवर प्रकाश टाकतो ज्यामुळे ते पर्यायी आणि नाविन्यपूर्ण ऊर्जा स्त्रोत म्हणून काम करू शकतात.
'जागतिक जैवइंधन दिना'चा उद्देश : जीवाश्म इंधनावरील अवलंबित्व कमी करण्यासाठी आणि पर्यावरणावरील परिणाम कमी करण्यासाठी जैवइंधनाच्या वापरास प्रोत्साहन देणे आणि या क्षेत्रातील संशोधन आणि विकासास प्रोत्साहन देणे हा या दिवसाचा उद्देश आहे.
'जागतिक जैवइंधन दिना'चे महत्त्व : जैवइंधनाचे महत्त्व सांगण्यासाठी आणि शाश्वत विकासात त्यांच्या भूमिकेला प्रोत्साहन देण्यासाठी हा दिवस महत्त्वाचा आहे. जैवइंधन हे वनस्पती आणि जैविक पदार्थांपासून तयार होणारे ऊर्जा स्त्रोत आहेत जे पर्यावरणीय प्रभाव कमी करण्यास मदत करतात. या दिवसांतर्गत, लोकांना जैवइंधनाचे महत्त्व, उपयोग आणि फायद्यांविषयी जागरूक केले जाते जेणेकरून आपण हवामान बदलाविरुद्धच्या लढ्यात सकारात्मक योगदान देऊ शकू.
हेही वाचा :
