कोलकाता (पश्चिम बंगाल) - पश्चिम बंगालमधील पूर्व मेदिनीपूरमधील मैना परिसरात एक धक्कादायक घटना समोर आली आहे. येथे एका महिलेने रागाच्या भरात सासऱ्याचे अंडकोष फोडल्याची घटना समोर आली आहे. या प्रकरणाची दखल घेत पोलिसांनी आरोपी महिलेला अटक करून न्यायालयात हजर केले, तेथून तिला १४ दिवसांची न्यायालयीन कोठडी सुनावण्यात आली आहे.
पोलिसांकडून मिळालेल्या माहितीनुसार, ही घटना पूर्व मेदिनीपूर जिल्ह्यातील मैना पोलिस स्टेशन हद्दीतील बक्का गावातील आहे. महिलेने चौकशीदरम्यान सांगितले की, मला वडिलांच्या घरी जायचे होते. त्यासाठी मी माझ्या पतीला फोन करून परवानगी मागितली. परंतु, मला परवानगी दिली नाही. त्यानंतर माझे आणि घरी असलेल्या सासऱ्यांचे भांडण झाले. त्यावेळी सासरे मला शिवीगाळ करत होते अशी माहिती तीने दिली आहे.
सासरच्या मंडळींनी तिला शिवीगाळ करू नये म्हणून महिलेला ताकीद दिली. तिच्याशी भांडण सुरू केले. त्यानंतर रागाच्या भरात महिलेने सासरच्याचे अंडकोष फोडले. सासरे जोरजोराने ओरडायला लागले. त्यानंतर स्थानिक लोक त्यांना वाचवण्यासाठी आले. जखमी सासऱ्याला तामलुक जिल्हा रुग्णालयात दाखल करण्यात आले असून सध्या त्यांची प्रकृती चिंताजनक आहे. या घटनेनंतर शेजाऱ्यांनी या महिलेला बांधले. मात्र, तीने प्रयत्न करून स्वत:ची सुटका करून घेतली आणि ती आपल्या वडिलांच्या घरी गेली.
त्यानंतर शिखाच्या सासूने पोलीस ठाण्यात लेखी तक्रार दाखल केली. त्यानंत या महिलेला अटक केली आहे. पोलिसांनी तीला न्यायालयात हजर केले, जिथे न्यायालयाने त्याला 14 दिवसांची न्यायालयीन कोठडी सुनावली आहे.
