लखनौ - उत्तर प्रदेश विधान परिषदेच्या निवडणुकीचे निकाल ( UP MLC Election Live ) लागले आहेत. उन्नावमधून भाजपच्या उमेदवाराने विजय मिळवला आहे. लखनऊ उन्नाव मतदारसंघातून भाजपचे उमेदवार रामचंद्र प्रधान यांना ३४८७ मते मिळाली आहेत. भाजपच्या उमेदवाराने समाजवादी पक्षाचे उमेदावर सुनील साजन यांचा पराभव केला आहे. त्यांना केवळ 3976 मते पडली.
अमेठीमधून भाजपचे उमेदवार शैलेंद्र प्रताप सिंह विजयी- सुलतानपूर विधानपरिषदेच्या जागेसाठी निवडणुकीची मतमोजणी ( mlc election up ) संपली. भाजपचे उमेदवार शैलेंद्र प्रताप सिंह विजयी झाले आहेत. समाजवादी पक्षाचे उमेदवार शिल्पा प्रजापती यांचा भाजपच्या उमेदवाराने पराभव केला. भाजपचे शैलेंद्र प्रताप सिंह यांनी समाजवादी पक्षाचे उमेदवार शिल्पा प्रजापती यांचा १३६२ मतांनी पराभव केला. भाजपचे शैलेंद्र प्रताप सिंह यांना 2481 तर सपाच्या शिल्पा प्रजापती यांना 1119 मते मिळाली. शहरातील सरदार वल्लभभाई पटेल कम्युनिटी हॉलमध्ये मतमोजणी ( up mlc election result ) झाली आहे.
फारुखाबाद : भाजपचे उमेदवार प्रांशु दत्त द्विवेदी विजयी - भाजपचे उमेदवार प्रांशु दत्त द्विवेदी यांना ४१३९ मते मिळाली आहे. सपाचे उमेदवार हरीश यादव यांचा धक्कादायक पराभव झाला आहे. त्यांना 657 मते मिळाली. भाजपचे उमेदवार 3482 मतांनी विजयी झाले आहेत. भाजपवर बूथ कॅप्चरिंगचा आरोप करत संतोष यादव म्हणाले की, प्रशासनामुळे भाजपचा विजय झाला आहे, आम्ही न्यायालयात जाणार आहोत. आमचे सपाचे नेते मुंबईत होते. त्यांचे मतदान येथे झाले. तिन्ही जिल्ह्यांमध्ये प्रशासनाच्या देखरेखीखाली बुथ कॅप्चरिंग करण्यात आले. सपाचे उमेदवार संतोष यादव यांचा 887 मतांनी पराभव झाला आहे.
झाशीतून भाजपचे रामा निरंजन विजयी - जालौन-ललितपूर एमएलसी निवडणुकीत भाजपच्या रामा निरंजन यांनी सुमारे ५७९ मतांनी विजय मिळवला. त्यांनी माजी सपा उमेदवार श्याम सुंदर सिंग यांचा पराभव केला.
अयोध्या : भाजपचे हरि ओम पांडे विजयी- अयोध्या विधानपरिषदेच्या निवडणुकीत भाजपचे उमेदवार हरी ओम पांडे यांना २७२४ मते मिळाली आहेत. समाजवादी पक्षाचे उमेदवार हिरालाल यांना 1,044 मते मिळाली आहेत. भाजपचे उमेदवार हरी ओम पांडे यांचा विजयाची केवळ औपचारिक घोषणा बाकी आहे.
