BREAKING : महाराष्ट्र पोलिसांमध्ये प्रशिक्षणाचा अभाव - एनसीपीसीआर अध्यक्ष प्रियांक कानूनगो

यूएनजीएच्या 76 व्या सत्रात संबोधित करतील

Published : Sep 25, 2021, 6:41 AM IST

Updated : Sep 25, 2021, 7:29 PM IST

19:24 September 25

महाराष्ट्र पोलिसांमध्ये प्रशिक्षणाचा अभाव - एनसीपीसीआर अध्यक्ष प्रियांक कानूनगो

दिल्ली - महाराष्ट्रातून महिलांवरील अत्याचाराच्या घटना पुढे येत आहे. यावर राष्ट्रीय बाल हक्क संरक्षण आयोगाच्या अध्यक्ष प्रियांका कानूंगो यांनी महाराष्ट्र पोलीस आणि राज्य सरकारवर निशाना साधला आहे.

महाराष्ट्र पोलिसांमध्ये प्रशिक्षणाचा अभाव असल्याचे आम्हाला वाटते. अशा प्रकारच्या घटनांवर वेळेत कारवाई ते करू शकत नाही. ते समाजापुढे चुकीचे उदाहरण मांडत आहेत. राज्य सरकार देखील पीडितेच्या पुनर्वसाणाबाबत उदासीन आहे, असे प्रियांका म्हणाल्या.

याप्रकरणी आम्ही संबंधित पोलीस अधिकाऱ्यांना सूचित केले आहे आणि त्यांना पूर्ण अहवालाची मागणी केली आहे. महाराष्ट्रात गेल्या काही दिवसांत असे अनेक प्रकार घडत असल्याचे आम्ही पाहिले आहे, असे देखील प्रियांका कानूंगो म्हणाल्या.

17:40 September 25

काँग्रेस नेते विश्वबंधू राय यांचे राज्यपालांना पत्र, राज्य सरकारवर टीका

काँग्रेस नेते विश्वबंधू राय यांनी महाराष्ट्राच्या राज्यपालांना पत्र लिहून साकीनाका बलात्कार-हत्या प्रकरणावरील राज्य सरकारच्या भूमिकेवर टीका केली आहे. "मुख्यमंत्री हे एका प्रादेशिक पक्षाचे प्रमुख आहेत आणि त्यांची राजकीय चिंता ही प्रादेशिकतेतून आहे. त्यांनी त्यांच्या वोट बँकेचे समाधान करण्यासाठी इतर राज्यांतील लोकांना लक्ष्य केले आहे," असे राय यांनी राज्यपालांना लिहिलेल्या पत्रात म्हटले आहे.

11:23 September 25

टास्क फोर्सच्या सूचंनाप्रमाणे शाळा सुरू करण्याचा निर्णय घेऊ - किशोरी पेडणेकर, महापौर, मुंबई

मुंबई - राज्य सरकारने 4 ऑक्टोबरपासून शाळा सुरू करण्याचा निर्णय घेतला आहे. मुंबईत 8 ते 12 वी शाळा सुरू करण्याबाबतचा निर्णय टास्क फोर्सच्या सूचनांप्रमाणे घेऊ अशी माहिती मुंबईच्या महापौर किशोरी पेडणेकर यांनी दिली आहे. सध्या मुंबईचा कोरोना रुग्ण पॉझिटिव्हीटी रेट 6.06 टक्के आहे. 4 ऑक्टोबरपर्यंत पॉझिटिव्हीटी रेटवर लक्ष ठेवणार, त्यानंतर निर्णय घेतला जाणार असल्याचे महापौर पेडणेकर यांनी स्पष्ट केले. 70 टक्के शिक्षकांचे लसीकरण पूर्ण झाले असून, शिक्षकांच्या लसीकरणावर आणखी भर देणार असल्याचे सांगत महापौर पेडणेकर यांनी शाळा सुरू करण्यापूर्वी पालिकेचा सावध पावित्रा असल्याचे स्पष्ट केले.

10:41 September 25

आशा आहे की अनिल परब २८ सप्टेंबरला ईडी समक्ष उपस्थित होतील - सोमैया

10:39 September 25

27 तारखेला कोल्हापूरसाठी रवाना होणार, 28 ला कागल पोलीस स्टेशनला जाणार- सोमैया

माझी कोल्हापूरची यात्रा 27 सप्टेंबर दुपारी 3 वाजता सिद्धिविनायक मंदिर प्रभादेवी पासून सुरू होईल आणि 28 सप्टेंबर रोजी सकाळी 11 वाजता महालक्ष्मी अंबाबाई मंदिरात पोहोचेल. तिथून मी मुरुगुड कागल पोलीस स्टेशनला जाणार असल्याचे सोमैया यांनी स्पष्ट केले आहे.

09:28 September 25

महाराष्ट्राचे परिवहन मंत्री अनिल परब यांना ईडीने बजावले समन्स

महाराष्ट्राचे परिवहन मंत्री अनिल परब यांना 28 सप्टेंबर रोजी चौकशीसाठी हजर राहण्याबाबत ईडी (सक्तवसुली संचालनालय )कडून दुसऱ्यांदा समन्स धाडण्यात आल.आहे. ईडी कडून दुसऱ्यांदा अनिल परब यांना समन्स पाठवल्यानंतर अनिल परब आता तरी चौकशीसाठी ईडी कार्यालयात समक्ष उपस्थित राहणार? असा सवाल भारतीय जनता पक्षाचे नेते किरीट सोमय्या यांनी उपस्थित केला आहे. ट्विट करून किरीट सोमय्या यांनी हा प्रश्न उपस्थित केला आहे. याआधी ही अनिल परब यांना ईडी कडून 31 ऑगस्ट रोजी चौकशीसाठी हजर राहण्याबाबत समज पाठवण्यात आलं होतं. मात्र नियोजित कार्यक्रम असल्यामुळे आपण चौकशीला उपस्थित राहू शकणार नाही, असं कारण अनिल परब यांच्या कडून ईडीला देण्यात आले होते

किरीट सोमैय्या यांच्या विरोधात शंभर कोटींचा दावा

भारतीय जनता पक्षाचे नेते किरीट सोमय्या यांनी परिवहन महामंडळात बदलीच रॅकेट असून परिवहन मंत्री अनिल परब यांचे रॅकेटला वरदहस्त असल्याचा आरोप किरीट सोमय्या यांनी केला होता. तसेच मुंबईचे माजी पोलीस आयुक्त परमबीर सिंग यांनी गृहमंत्री अनिल देशमुख यांच्यावर केलेल्या 100 कोटीच्या भ्रष्टाचाराचा आरोपात अनिल परब यांचा देखील समावेश असल्याचा खळबळजनक आरोप किरीट सोमय्या यांनी केला होता. याविरोधात अनिल परब यांनी मुंबई उच्च न्यायालयात धाव घेऊन किरीट सोमय्या यांच्यावर मानहानीचा शंभर कोटींचा दावा केलेला आहे..

09:20 September 25

हरवलेल्या मुलीला 5 तासात शोधले; कांदिवली पोलिसांची कामगिरी

कांदिवली पोलिसांना मिळालेल्या माहितीनुसार शुक्रवारी सकाळी कांदिवली पश्चिम येथील लालजी पाडा भागातून एक साडे तीन वर्षाची मुलगी हरवली होती. त्यानंतर तिच्या पालकांनी कांदिवली पोलीस ठाण्यात तक्रार दाखल करताच पोलिसांनी 5 तासातच त्या चिमुकलीचा शोध घेऊन तिला तिच्या पालकांकडे सुपूर्द केले आहे. सीसीटीव्ही आधारे पोलिसांना तिचा अत्यंत कमी वेळत शोध लावला आहे.

09:00 September 25

बंगालच्या उपसागरात कमी दाबाचे क्षेत्र, 24 तासात चक्रीवादळाची निर्मिती

बंगालच्या उपसागरातील कमी दाबाचे क्षेत्र निर्माण झाले आहे. परिणामी पुढच्या 24 तासात त्याची तीव्रता वाढून,26 सप्टेंबरला त्याचे चक्रीवादळात रूपांतर होऊन ओडिशा-आंध्रप्रदेश किनारपट्टी भागात ते धडकण्याची शक्यता हवामान विभागाकडून वर्तवण्यात आली आहे.

08:45 September 25

जितेंद्र गोगीच्या हत्येनंतर तिहार मंडोली जेलमध्ये अलर्ट जारी

गुंड जितेंद्र मन गोगी यांची शुक्रवारी दिल्लीतील रोहिणी न्यायालयात गोळ्या झाडून हत्या करण्यात आली. टोळीयुद्धातून त्याची हत्या झाल्याची शक्यता आहे, त्यामुळे तिहार जेल, मंडोली जेल आणि रोहिणी जेलसह दिल्लीच्या सर्व कारागृहांना अलर्टवर ठेवण्यात आले आहे. तुरुंग अधिकाऱ्यांनी याबाबतची माहिती दिली.

08:36 September 25

म्हणून महाराष्ट्र एटीएसने मागितली त्या दोघा दहशतवाद्यांची कोठडी

एटीएसने न्यायालयात सांगितले की त्यांना या संशयित दहशतवाद्यांच्या कारवाया प्रकरणाच्या तपासामध्ये काही धक्कादायक पुरावे आढळून आले आहेत. जे राष्ट्राच्या सुरक्षेस धोका निर्माण करण्याच्या घटनांशी निगडीत आहेत. त्या प्रकरणी या आरोपींची चौकशी करणे गरजेच आणि महत्वाचे आहे.

एटीएसला या संशयित कारवायांप्रकरणी दहशतवाद्यांचा भरणा, स्लीपर सेल आणि मोठ्या दहशती कारवायांशी निगडीत काही धागेदोरे हाती लागले आहेत. त्यामुळेच महाराष्ट्र एटीएसने ज्यूडिशियल कस्टडी असलेल्या झाकीर शेख आणि आणि रिजवान मेमन यांना कोठडी देण्याची मागणी केली आहे.

08:11 September 25

भारताला संयुक्त राष्ट्र सुरक्षा परिषदेत कायमस्वरूपी स्थान मिळायला हवे - बिडेन

अमेरिकेचे राष्ट्राध्यक्ष जो बिडेन यांना वाटते की भारताला संयुक्त राष्ट्र सुरक्षा परिषदेत कायमस्वरूपी स्थान मिळायला हवे, असे परराष्ट्र सचिव हर्षवर्धन शृंगला यांनी शुक्रवारी सांगितले. बिडेन यांच्यासोबत पंतप्रधान नरेंद्र मोदी यांची भेट झाली. त्यानंतर हर्षवर्धन यांनी ही माहिती दिली.

07:57 September 25

राजू शेट्टी घेणार कर्नाटकच्या मुख्यमंत्र्यांची भेट, धरणाच्या उंची वाढवण्याच्या मुद्द्यावर होणार चर्चा

कोल्हापूर- माजी खासदार राजू शेट्टी उद्या घेणार कर्नाटकचे मुख्यमंत्री बसवराज बोम्मई यांची बेळगाव मध्ये भेट घेणार आहेत. अलमट्टी धरणाची उंची वाढवण्याच्या कर्नाटक सरकारच्या हालचालसी सुरू आहेत. धरणाची उंची वाढल्यास कोल्हापूर शिरोळसह सांगलीला पुराचा मोठा फटका बसणार आहे. त्यामुळे प्रादेशिक राजकारणाचा फटका सर्वसामान्य जनतेला नको, या भूमिकेतून महाराष्ट्र-कर्नाटक सरकारने केंद्रीय जल आयोगाने एकत्र येऊन निर्णय घ्यावा, असे आवाहन राजू शेट्टी बोम्मई यांना करणार आहेत.

07:10 September 25

महाराष्ट्र एटीएसने मागितली संशयित दहशतवादी झाकीर शेख आणि रिझवान मोमीनची कोठडी

महाराष्ट्र एटीएसने संशयित दहशतवादी झाकीर शेख आणि रिझवान मोमीनची कोठडी मागितली आहे. यासाठी एटीएसने विशेष न्यायालयात अर्ज दाखल केला. हे दोघेही दहशतवादी सध्या 4 ऑक्टोबरपर्यंत न्यायालयीन कोठडीत आहेत.

06:32 September 25

BREAKING - यूएनजीएच्या 76 व्या सत्रात संबोधित करतील

पंतप्रधान मोदी न्यूयॉर्क विमानतळावर दाखल झाले आहेत. ते आज यूएनजीएच्या 76 व्या सत्रात संबोधित करतील. यावेळी विमानतळावर त्यांनी त्यांच्या स्वागतासाठी आलेल्या अमेरिका स्थित भारतीयांची भेट घेतली. यावेळी भारतीयांनी वंदे मातरम, भारत माता की जयच्या जयघोष केला.