नवी दिल्ली : 140 कोटी भारतीय बहुप्रतीक्षित चंद्रयान 3 च्या सॉफ्ट लँडिंगची वाट पाहत आहेत. ही मोहीम यशस्वी व्हावी यासाठी देशभरातील लोक देवाकडे प्रार्थना करत आहेत. बुधवारी, संध्याकाळी 05:45 वाजता विक्रम लँडरचे पॉवर्ड लँडिंग अपेक्षित आहे. सध्या मिशन शेड्यूलवर असून सिस्टमची नियमित तपासणी केली जात आहे.
चंद्रयान 3 खरे तर 41 दिवसांपूर्वी लॉन्च झाले होते. तेव्हापासून आत्तापर्यंत काय काय घडले हे थोडक्यात जाणून घेऊया.
- 11 जुलै 2023 - चंद्रयान 3 च्या प्रक्षेपणाची संपूर्ण तयारी आणि 24 तास चाललेली तालीम पूर्ण झाली.
- 14 जुलै - चंद्रयान 3 भारतीय वेळेनुसार दुपारी 2.35 वाजता GSLV मार्क 3 (LVM 3) हेवी-लिफ्ट प्रक्षेपण वाहनातून श्रीहरिकोटा येथील सतीश धवन अंतराळ केंद्रातून लॉन्च झाले.
- 15 जुलै - पहिल्या टप्प्यात, अंतराळ यान चंद्राच्या 41762 किमी x 173 किमी कक्षेत स्थापित झाले.
- 17 जुलै - त्यानंतर, अंतराळ यानाला 41603 किमी x 226 किमी कक्षेत स्थापित करण्यात आले.
- 22 जुलै - तिसऱ्या टप्प्यात, यानाला 71351 किमी x 233 किमी कक्षेत ठेवण्यात आले.
- 1 ऑगस्ट - चंद्रयान 3 ने चंद्राच्या प्रभाव क्षेत्रात प्रवेश केला. यानाला 288 किमी x 369328 किमी कक्षेत ठेवण्यात आले.
- 5 ऑगस्ट - चंद्रयान 3 ने 164 किमी x 18074 किमीची कक्षा यशस्वीरित्या गाठली.
- 9 ऑगस्ट - चंद्रयानाची कक्षा 174 किमी x 1437 किमी इतकी कमी करण्यात आली.
- 14 ऑगस्ट - चंद्रयानाने कक्षेच्या वर्तुळाकार टप्प्यात प्रवेश केला. अंतराळ यानाने 151 किमी x 179 किमीच्या गोलाकार कक्षेत प्रवेश केला.
- 16 ऑगस्ट - यानाने 153 किमी x 163 किमीच्या कक्षेत प्रवेश केल्यानंतर चंद्राच्या सीमेवर पोहोचले.
- 17 ऑगस्ट - स्वतंत्र प्रवास सुरू करण्यासाठी लँडर मॉड्यूल प्रोपल्शन मॉड्यूलपासून यशस्वीरित्या वेगळे झाले.
- 19 ऑगस्ट - लँडर मॉड्यूलचे यशस्वी डीबूस्टिंग ऑपरेशन झाले. त्याची कक्षा 113 किमी x 157 किमी पर्यंत कमी केली गेली.
- 20 ऑगस्ट - दुसऱ्या आणि शेवटच्या डीबूस्टिंग ऑपरेशनने लँडर मॉड्यूल ऑर्बिट 25 किमी x 134 किमी पर्यंत कमी केले.
- 21 ऑगस्ट - चंद्रयान 2 ने, चंद्रयान 3 चे कक्षेत स्वागत केले. दोघांमध्ये संपर्क प्रस्थापित झाला.
- 22 ऑगस्ट - इस्रोने चंद्रयान 3 मोहिमेच्या लँडर पोझिशन डिटेक्शन कॅमेरा (LPDC) ने सुमारे 70 किमी उंचीवरून टिपलेल्या चंद्राच्या प्रतिमा प्रसिद्ध केल्या. यंत्रणांची नियमित तपासणी झाली. सर्व काही सुरळीत होते.
- 23 ऑगस्ट - चंद्राच्या दक्षिण ध्रुवावर चंद्रयान 3 च्या लँडर मॉड्यूलचे सुरक्षित आणि सॉफ्ट लँडिंग संध्याकाळी 6.04 वाजता अपेक्षित आहे.
हेही वाचा :
- Chandrayaan 3 : नियोजित वेळेनुसारच होणार चंद्रयान 3 मोहिमेचं लँडींग, इस्रोचे अध्यक्ष एस सोमनाथ यांनी फेटाळली 'प्लॅन बी'ची शक्यता
- Chandrayaan 3 : पंतप्रधान नरेंद्र मोदी दक्षिण आफ्रिकेतून होणार चंद्रयान 3 चे साक्षीदार, असं पाहणार चंद्रयानाचं 'लँडींग'
- चांद्रयानासाठी शेवटची १५ मिनिटे धोक्याची, जाणून घ्या २०१९ मध्ये काय झाले होते?
