नवी दिल्ली - देशात कोरोनाचा कहर असून आहे. सध्या कोरोना रुग्णांच्या वाढीत थोडी घट झाल्याचे पाहायला मिळत असून दुसरी लाट ओसरल्याचे चित्र आहे. मात्र, यातच आरोग्य मंत्रालयाकडून कोरोनाच्या तिसऱ्या लाटेचं संकेत देण्यात आले आहेत. त्यामुळे लसीकरणावर भर, नियम, निर्बंध पाळण्याच्या सूचना केंद्राने राज्य सरकारांना दिल्या आहेत. केंद्र सरकारने राज्यांना सतर्क राहण्याचे सांगितले आहे.
कोरोना महामारीत तिसरी, चौथी, पाचवी म्हणजे कितीही लाटा येऊ शकतात. यात महत्त्वाची गोष्ट म्हणजे आपण लाटेचा सामना करण्यास किती तयार आहोत? लसीकरणाचा वेग वाढविला गेला आहे. जेणेकरून तिसरी लाट येण्यापूर्वी अधिकाधिक लोकांचे लसीकरण होणे गरजेचे आहे. कोरोनाची तिसरी लाट रोखण्यासाठी सर्व तयारी करण्यात येत आहे. पण तीसरी लाट कधी येईल याबद्दल त्यांनी नेमकी वेळ माहिती नाही.
कोरोनाची तिसरी लाट येईल की नाही हे आपल्या हातात आहे. आम्ही तिसऱ्या लाटेसाठी पूर्णपणे तयार आहोत. ते जर आपण शिस्तीत राहिलो आणि कोविड प्रोटोकॉलचे अनुसरण केले. तर तिसरी लाट येणार नाही, असे नीती आयोगाचे सदस्य (आरोग्य) डॉ. विनोद पॉल यांनी सांगितले.
आतापर्यंत देशातील 12 राज्यात डेल्टा प्लसची 56 प्रकरणे नोंदली गेल्याची पॉल यांनी दिली. तर जागतिक आरोग्य संघटनेने कोरोनाच्या डेल्टाच्या वाढत्या रुग्णांवर चिंता व्यक्त केली आहे. या प्रकारामुळे बर्‍याच देशांमध्ये तिसरी लाट येण्याची शक्यता निर्माण होत असल्याचे जागतिक आरोग्य संघटनेने म्हटलं आहे.
6 राज्यात केंद्र सरकारची पथके
केंद्र सरकारने आज केरळ, अरुणाचल प्रदेश, त्रिपुरा, ओदिशा, छत्तीसगड आणि मणिपूर या राज्यात कोविड-19 रुग्णांची वाढती संख्या लक्षात घेऊन पथके नियुक्त केली आहेत. महामारीचा प्रभावीपणे सामना करण्यासाठी ही पथके या राज्यांना सहाय्य करणार आहेत. राज्यात कोरोना व्यवस्थापन, कोरोना चाचण्या, प्रतिबंधात्मक कार्य, रुग्णालयातल्या खाटांची उपलब्धता, रुग्णवाहिका, व्हेंटीलेटर्स, वैद्यकीय ऑक्सिजन, लसीकरणाबाबत प्रगती यांचा आढावा हे पथक घेईल. तसेच परिस्थितीची संपूर्ण माहिती घेऊन सूचना देईल.
हेही वाचा - सुरक्षा दलाबरोबरील चकमकीत पुलवामामध्ये ४ दहशतवादी ठार
