भद्राचलम ( तेलंगणा ) : तेलंगणाचे मुख्यमंत्री केसीआर ( Telangana Chief Minister K Chandrasekhar Rao ) यांनी गोदावरी पुरावर खळबळजनक टिप्पणी ( KCR On Cloudburst ) केली. काही परदेशी देशांनी भारतात ढगफुटीचा कट रचल्याचा संशय त्यांनी व्यक्त ( foreign countries hatched cloudburst conspiracy in India ) केला. केसीआर यांनी रविवारी तेलंगणातील भद्राचलममधील पूरग्रस्त भागाची पाहणी केली. मुख्यमंत्री केसीआर यांनी पीडितांशी संवाद साधला आणि आढावा घेतला. आढावा बैठकीनंतर केसीआर यांनी काही परदेशी देश ढगफुटीचा कट रचत असल्याचा संशय व्यक्त केला. देशात लेह आणि उत्तराखंडमध्येही ढगफुटी झाल्याचे ते म्हणाले.
कुटुंबासाठी 10,000 रुपयांची तात्काळ आर्थिक मदत: मुख्यमंत्री केसीआर यांनी मुसळधार पावसाच्या पार्श्वभूमीवर महिनाअखेरपर्यंत अधिकाऱ्यांनी सतर्क राहण्याची सूचना केली. पूरग्रस्त भागाच्या दौऱ्याचा एक भाग म्हणून, भद्राचलम येथील पुलाच्या माथ्यावरून गोदावरीतील पाण्याच्या पातळीत वाढ त्यांनी पहिली. मुख्यमंत्र्यांनी आयटीडीएमधील आमदार आणि अधिकाऱ्यांसोबत उच्चस्तरीय आढावा घेतला. पूरग्रस्तांसाठी पुनर्वसन केंद्रे सुरू ठेवण्याचे आदेश देण्यात आले. केसीआर यांनी घोषित केले की पीडित कुटुंबांना 10,000 रुपये तात्काळ आर्थिक मदत आणि 20 किलो तांदूळ देण्यात येईल.
काही जिल्ह्यांना तात्काळ १ - १ कोटींची मदत : तेलंगणाचे मुख्यमंत्री के. चंद्रशेखर राव यांनी मुलुगु, भूपालपल्ली, कोठागुडेम, महबूबाबाद आणि निर्मल या जिल्हा प्रशासनांना पूर मदत म्हणून प्रत्येकी एक कोटी रुपये तात्काळ जारी करण्याचे निर्देश दिले आहेत. शनिवारी रात्री उशिरा मुख्यमंत्री कार्यालयाने जारी केलेल्या पत्रकात म्हटले आहे की, मुख्यमंत्र्यांनी अर्थमंत्री हरीश राव यांना पूरग्रस्तांसाठी वैद्यकीय शिबिरे सुरू करण्याचे निर्देश दिले. गोदावरीच्या सर्व जिल्हा दंडाधिकार्‍यांना पुरेसा औषध आणि अन्नपुरवठा सुनिश्चित केला. नदीला सतत पूर असल्याने आणखी काही दिवस सतर्क राहण्यास सांगितले.
व्यापक सर्वेक्षणाची गरज : पूरग्रस्त भागाचा दौरा करण्यासाठी शनिवारी हैदराबादहून येथे आलेले केसीआर यांनी मंत्री, आमदार, उच्च अधिकारी, विधान परिषदेचे सदस्य आणि जिल्हा लोकप्रतिनिधींसोबत आढावा बैठक घेतली. गोदावरी पुराच्या वेळी लोकांना सुरक्षित ठेवण्यासाठी आणि सखल भागातील लोकांना सुरक्षित ठिकाणी हलवण्यासाठी व्यापक सर्वेक्षण करण्याची गरज त्यांनी व्यक्त केली. यासंदर्भात अधिकाऱ्यांनी पाटबंधारे विभागाच्या निवृत्त अभियंत्यांचा सल्ला घ्यावा, अशी सूचना त्यांनी केली.
