हैदराबाद - तेलंगणाचे मुख्यमंत्री के चंद्रशेखर राव यांच्या हस्ते आज राज्य पोलीस एकात्मिक कमांड आणि कंट्रोल सेंटरचे उद्घाटन होत आहे. राज्याचे रस्ते आणि इमारत मंत्री वेमुला प्रशांत रेड्डी यांनी बुधवारी उद्घाटन कार्यक्रमाच्या व्यवस्थेचा आढावा घेतला. हे केंद्र संपूर्ण देशात अद्वितीय असेल, असे रेड्डी म्हणाले.
ग्रीन बिल्डिंग - हैदराबादचे पोलीस आयुक्त सी व्ही आनंद म्हणाले की, तेलंगणाचे इंटिग्रेटेड कमांड अँड कंट्रोल सेंटर ही ग्रीन बिल्डिंग आहे. सोलर पॅनेल ०.५ मेगावॅट (MW) निर्माण करतील आणि बांधकामासाठी पुनर्वापर केलेले साहित्य वापरले गेले आहे, असे हैदराबाद पोलिसांकडून प्रसिद्ध करण्यात आलेल्या पत्रकात म्हटले आहे. ६.४२ लाख चौरस फुटांच्या संरचनेत पाच टॉवर आहेत. 20 मजली असलेल्या टॉवर-ए मध्ये हैदराबाद शहर पोलीस आयुक्तालय असेल आणि टॉवर-बी डायल-100, SHE सुरक्षा, सायबर आणि नार्कोटिक्स, गुन्हे, उष्मायन केंद्र इत्यादींशी संबंधित सर्व बॅकअपसह तंत्रज्ञान फ्यूजन टॉवर असेल.
मोठी व्हिडिओ वॉल - पाच टॉवर, एकाच वेळी एक लाख सीसीटीव्ही फुटेजची दृश्ये पाहण्यासाठी मोठी व्हिडिओ वॉल, ३० पेटाबाइट्स क्षमतेचे सर्व्हर, कृत्रिम बुद्धिमत्ता, डीजीपी आणि कमिशनर चेंबर्स, टॉवरच्या वरच्या बाजूला हेलिपॅड, अशी आहे या तिसऱ्या डोळ्याची रचना. राज्याच्या कोणत्याही कानाकोपऱ्यातील कोणतेही सीसीटीव्ही फुटेज येथे पाहता येईल. कायदा व सुव्यवस्था राखण्याबरोबरच नैसर्गिक आपत्ती आल्यास प्रमुख विभागांना येथून अलर्ट करता येते. एकदा का या केंद्रामध्ये स्थापित तंत्रज्ञान सर्वांसाठी उपलब्ध झाले की, ते देशासाठी पाळत ठेवण्याच्या बाबतीत एक पथदर्शी प्रकल्प म्हणून उभे राहील.
सीसीटीव्ही मॉनिटरिंग - टॉवर-सीमध्ये एक सभागृह असेल आणि टॉवर-डीमध्ये मीडिया आणि प्रशिक्षण केंद्र असेल. टॉवर-ई मध्ये बहु-विभागीय समन्वय, सीसीटीव्ही मॉनिटरिंग, वॉर रूम आणि रिसीव्हिंग रूमसाठी कमांड कंट्रोल आणि डेटा सेंटर असेल. या संरचनेत आपत्कालीन ऑपरेशनसाठी हेलिपॅडही असेल. या इमारतीत तेलंगणा पोलिसांच्या इतिहासाचे प्रदर्शन करणारे संग्रहालय आणि 360-डिग्री व्ह्यूइंग गॅलरी देखील असेल, असेही प्रकाशनात म्हटले आहे.
हेही वाचा - Hyderabads third eye: हैदराबाद शहराचा तिसरा डोळा, कमांड आणि कंट्रोल सेंटर तयार
