नवी दिल्ली : सुकेश चंद्रशेखर 200 कोटींची फसवणूक केल्यामुळे नवी दिल्लीतील तिहार तुरुंगात बंद आहे. मात्र गेल्या अनेक वर्षांपासून त्याच्या गुन्ह्याची फाईल खुली आहे. प्रत्येक गुन्ह्याचा सुगावा बारकाईने काढला जात आहे. या प्रकरणात बॉलीवूडच्या दोन सुंदरी जॅकलिन फर्नांडिस आरोपी म्हणून तर नोरा फतेही साक्षीदार म्हणून सामील आहेत. नुकतीच या प्रकरणी दिल्लीतील पटियाला हाऊस कोर्टात सुनावणी झाली. येथे दोन्ही अभिनेत्रींनी आपले म्हणणे नोंदवले होते. आपल्या वक्तव्यात नोराने सुकेशबाबत अनेक धक्कादायक खुलासे केले आहेत.
नोराने कोर्टात काय वक्तव्य केले : नोराने आपल्या निवेदनात सांगितले की, सुकेशने तिला खूप आमिष दाखवण्याचा प्रयत्न केला. नोराने 13 जानेवारी रोजी कोर्टात दिलेल्या जबाबात सांगितले की, सुकेशची पत्नी लीना मारिया हिने तिला चेन्नई येथे एका कार्यक्रमात सहभागी होण्यासाठी आमंत्रित केले होते. सुकेशच्या पत्नीने नोराला या कार्यक्रमात प्रमुख पाहुणे म्हणून आमंत्रित केले होते. नोराच्या म्हणण्यानुसार, लीनाने तिला त्या कार्यक्रमात डान्स शो जज करण्यास आणि विशेष मुलांना बक्षीस देण्यासही सांगितले होते. या कार्यक्रमानंतर सुकेशने नोराला फोन केला आणि धन्यवाद म्हणून महागडी कार देऊ केली.
त्याची कोणतीही ऑफर स्वीकारली नाही : नोराने निवेदनात पुढे सांगितले की, तिने सुकेशची ऑफर घेण्यास नकार दिला. पण सुकेशने तिला एक आयफोन आणि गुच्ची या आंतरराष्ट्रीय ब्रँडची बॅगही देऊ केली. नोराच्या म्हणण्यानुसार, सुकेशने तिला विविध प्रलोभने ऑफर केली. सर्व कार्यक्रमांना विनामूल्य प्रमोट करण्याचे आश्वासन दिले. तिच्या व्यवसायाबद्दल आणि चित्रपटांबद्दल बोलणे, तसेच प्रोजेक्ट साइन करण्यासाठी साइनिंग फी म्हणून तिला बीएमडब्ल्यू कार द्यायची होती.
सुकेशची इच्छा होती की मी त्याची मैत्रीण व्हावे : नोराने पुढे सांगितले की, सुकेशच्या पत्नीने तिला कॉल केला आणि सांगितले की सुकेशला तिला आपली गर्लफ्रेंड बनवायचे आहे. जॅकलीनला देखील बनवायचे आहे, परंतु त्याला तू आवडतेस. नोराने सांगितले की ती त्याच्या कोणत्याही ऑफरशी सहमत नव्हती. कारण या सर्वांच्या बदल्यात त्याला तिला आपली गर्लफ्रेंड बनवायचे होते.
जॅकलीनची साक्ष : अभिनेत्री जॅकलिन फर्नांडिसने तिच्या चौकशीत सांगितले आहे की, ती चंद्रशेखरला शेखर रत्न वेला म्हणून ओळखत होती आणि म्हणाली की तो सन टीव्हीवर होता. सुकेशने ही मोठी रक्कम ऑनलाइन ट्रान्सफर केल्याचे जॅकलीनने आपल्या निवेदनात म्हटले आहे. सुकेशने जॅकलीनचा भाऊ वॉरन फर्नांडिसच्या ऑस्ट्रेलियातील बँक खात्यात 15 लाख ट्रान्सफर केले.
हेही वाचा : Aryan Khan dating Nora Fatehi : आर्यन खान नोरा फतेहीला डेट करतोय? व्हायरल फोटोंमुळे अफवांना पेव
