संभळ (उत्तर प्रदेश) : अतिक अहमद आणि अश्रफ यांच्या हत्येवरून माफियांचे राजकारण संपण्याचे नाव घेत नाही. जिथे योगी सरकारचे मंत्री धरमपाल सिंह यांनी विरोधकांवर अतीकची हत्या केल्याचा आरोप केला आहे. तिथे संभलचे सपा खासदार डॉ. शफीकुर रहमान बुर्के यांनी भाजपचे नाव न घेता पलटवार केला आहे. भाजपच्या इशाऱ्याशिवाय अतीक मरण पावला नाही असे म्हणत कारण विरोधकांची अतीकशी लढाई नव्हती असेही ते म्हणाले आहेत. उत्तर प्रदेश सरकारमधील कॅबिनेट मंत्री आणि संभल जिल्ह्याचे प्रभारी मंत्री धरमपाल सिंह यांनी संभलमध्ये अतिक अहमदबद्दल वक्तव्य केले. विरोधकांनी अतिक आणि त्याचा भाऊ अशरफ यांची गुप्तता उघड होण्याच्या भीतीने हत्या केली आहे. मंत्री धरमपाल सिंह यांच्या या वक्तव्यानंतर विरोधक आक्रमक झाले. यावर सध्या उत्तर प्रदेशमध्ये मोठ्या प्रमाणता राजकारण सुरू झाले आहे.
कायद्यानुसार योग्य नाही : यावर समाजवादी पक्षाचे संभल लोकसभा मतदारसंघाचे खासदार डॉ. शफीकुर रहमान भुर्के यांनी आपली प्रतिक्रिया दिली आहे. हत्या कशी झाली आणि कोणी केली हे संपूर्ण जगाला आणि देशाला माहीत आहे, असे ते म्हणाले आहेत. सपा खासदार म्हणाले की, अतिक अहमद कोठडीत आहे, जर न्यायालयाने त्याला फाशी दिली असती तर कोणी काही बोलले नसते. पोलीस कोठडीत त्यांची हत्या झाली, जे कायद्यानुसार योग्य नाही असही ते म्हणाले आहेत.
अशरफ यांना त्यांच्या सूचनेशिवाय मारण्यात आलेले नाही : सपा खासदार डॉ. बुर्के म्हणाले की, अतिक अहमद यांचा विरोधकांशी कोणताही संघर्ष नाही. भाजपचे नाव न घेता, सपा खासदार म्हणाले की, अपयश झाकण्यासाठी विरोधकांना विनाकारण लक्ष्य केले जात आहे. विरोधकांवर खुनाचा आरोप कोणीही स्वीकारणार नाही. त्यांनी सांगितले की, अतिक अहमद आणि अशरफ यांना त्यांच्या सूचनेशिवाय मारण्यात आलेले नाही.
हेही वाचा : Uddhav Thackeray: ही चोरट्यांची अन् भामट्यांची औलाद, उद्धव ठाकरेंची शिवसेनेवर जहरी टीका
