मानसा (पंजाब) : दिवंगत गायक सिद्धू मुसेवाला याची पहिली पुण्यतिथी साजरी करण्यासाठी कुटुंबाने तारीख आणि ठिकाण ठरवले आहे. सिद्धू मुसेवाला याची पुण्यतिथी मार्च महिन्यातच साजरी केली जाणार आहे. त्यासंदर्भात सिद्धू मुसेवाला याचे वडील बलकौर सिंह आणि त्याच्या निकटवर्तीयांनी माहिती दिली आहे. मुसेवालाचे कुटुंब आता 19 मार्च रोजी अनाज मंडी, सिरसा रोड, मानसा येथे सिद्धूची पहिली पुण्यतिथी साजरी करणार आहेत. सिद्धू मुसेवालाची अखेरची प्रार्थना याच धान्य मार्केटमध्ये झाली होती.
सिद्धूच्या वडीलांची न्यायाची मागणी : सिद्धू मुसेवाला याची २९ मे २०२२ रोजी पंजाबच्या मानसा जिल्ह्यातील जवाहरके गावात संध्याकाळी एका सशस्त्र बंदूकधाऱ्याने गोळ्या घालून हत्या केली होती. त्यानंतर हत्येसाठी वापरण्यात आलेले वाहने आणि शस्त्रे पंजाब पोलिसांना आणि दिल्लीच्या विशेष पथकांना सापडली होती. रेकी करणाऱ्या लोकांसह ती पुरवणाऱ्या लोकांना अटक करण्यात आली होती. या प्रकरणी सिद्धू मुसेवालाचे वडील बलकौर सिंह सातत्याने न्यायाची मागणी करत आहेत. आता त्यांनी सरकारला इशारा दिला आहे की, आपल्या मुलाला न्याय मिळवून देण्यासाठी ते पंजाबच्या रस्त्यावर फिरतील.
अद्याप कोणालाही क्लीन चिट नाही : सिद्धू मुसेवाला हत्येप्रकरणी आतापर्यंत मानसा पोलिसांनी 302 अंतर्गत 40 जणांना नामनिर्देशित केले आहे. त्यापैकी 29 लोकांविरुद्ध न्यायालयात दोन चालानपत्रे दाखल करण्यात आली आहेत. गोल्डी ब्रार, सचिन थापन आणि अनमोल बिश्नोई यांच्यासह 9 जणांना पीओ घोषित करण्यात आले आहे. त्यांना चालान न्यायालयात दाखल करण्यात आले आहे. त्यापैकी जगरूप रूपा आणि मनू कुस्सा हे अमृतसर येथे चकमकीत ठार झाले आहेत. तर मनदीप तोफान आणि मनमोहन सिंग मोहना नुकतेच गोइंदवाल तुरुंगात झालेल्या भांडणात मारले गेले. मानसा पोलिसांनी सिद्धू मूसवाला खून प्रकरणात अद्याप कोणालाही क्लीन चिट दिलेली नाही. एसआयटीचा या प्रकरणी तपास सुरू आहे.
