नवी दिल्ली - श्रद्धा खून प्रकरणी पोलिसांना दोन्ही डीएनए आणि पॉलीग्राफ चाचणी अहवाल प्राप्त झाले आहेत. काही हाडांचे नमुने श्रद्धाच्या वडिलांच्या ( Shraddha murder case ) डीएनएशी जुळले आहेत. ते श्रद्धाचेच असल्याचे स्पष्ट झाले आहे. ही हाडे दिल्ली पोलिसांनी मेहरौली आणि गुरुग्रामच्या जंगलातून गोळा ( Shraddha murder case Bone samples ) केली होती. जप्त केलेले मृतदेहाचे भाग शवविच्छेदनासाठी पाठवण्यात येणार आहेत व पुढील तपास सुरु आहे.
आफताबच्या हालचालींवर लक्ष : कारागृहातील सूत्रांनी असेही सांगितले की, आफताबला बुद्धिबळाची आवड असून तो बोर्डाच्या दोन्ही बाजूंनी वेगवेगळे डावपेच आणि खेळ करतो. तो बुद्धिबळाचा चांगला खेळाडू आहे. आफताबसोबत असलेले दोन कैदी चोरीच्या गुन्ह्यात अंडरट्रायल आहेत. आफताबवर बारीक लक्ष ठेवण्यास सांगितले आहे. आफताब स्वतःच्या विरोधात त्याच्या हालचालींची योजना आखत आहे आणि दिल्ली पोलिसांना सुरुवातीपासूनच आफताब खूप हुशार असल्याचा संशय होता. त्याची प्रत्येक हालचाल सुनियोजित कटाचा भाग आहे असे दिसते, जसे की तो बुद्धिबळाच्या दोन्ही बाजूंनी खेळतो.
आफताबच्या वागणुकीवर संशय : तपास अधिकाऱ्यांनी सांगितले की, आफताबने दिल्ली पोलिसांनी त्याला सांगितलेल्या प्रत्येक आदेशाचे पूर्णपणे पालन केले होते. त्याने आपला गुन्हा मान्य केला. पोलिसांना सहकार्य केले आणि पॉलीग्राफ आणि नार्को चाचणी घेण्याचेही मान्य केले. मात्र आता त्याच्या चांगल्या वागणुकीवर पोलिसांना संशय येऊ लागला आहे. त्याची तयारी त्याने आधीच केल्याचे त्याच्या उत्तरावरून दिसते. चौकशीत त्याने चिनी चॉपरने श्रद्धाची हत्या केल्याची कबुली दिली.
मृतदेहाचे तुकडे ठेवण्यासाठी घेतला स्पेशल फ्रीज - तो रोज रात्री 2 वाजता फ्लॅटमधून बाहेर पडत असे आणि 18 दिवस मृतदेहाचे तुकडे वेगवेगळ्या ठिकाणी फेकत राहायचे. मृतदेह ठेवण्यासाठी त्याने 300 लिटरचा मोठा फ्रीज घेतला होता. मृतदेहाची दुर्गंधी घरात पसरू नये म्हणून तो अगरबत्ती पेटवत असे.आफताबने केले धक्कादायक खुलासे - 8 नोव्हेंबर रोजी श्रद्धा वॉकरचे वडील 59 वर्षीय विकास मदन वॉकर यांनी दिल्लीतील मेहरौली पोलीस ठाण्यात आपल्या मुलीच्या अपहरणाचा एफआयआर दाखल केला. पोलिसांनी शनिवारी आफताबला त्याच्या फ्लॅटमधून ताब्यात घेतले असून त्याच्या सखोल चौकशीत झालेले खुलासे धक्कादायक आहेत.
लग्नाच्या मुद्द्यावरून दोघांत भांडण - २६ वर्षीय श्रद्धा वॉकर ही मुंबईतील एका मल्टीनॅशनल कंपनीत कॉल सेंटरमध्ये काम करत होती. त्याचवेळी श्रद्धाची भेट आफताब अमीनशी झाली. त्यानंतर दोघेही एकमेकांना पसंत करू लागले आणि ते लिव्ह-इन रिलेशनमध्ये राहू लागले. जेव्हा घरच्यांनी या नात्याला विरोध केला तेव्हा श्रद्धा आणि आफताब अचानक मुंबई सोडून मेहरौलीच्या छतरपूर भागात राहू लागले. आफताबने सांगितले की, श्रद्धा अनेकदा लग्नासाठी दबाव टाकत असे. यावरून दोघांमध्ये भांडण व्हायचे.
श्रद्धाच्या मृतदेहाचे तुकडे जप्त - 18 मे रोजी भांडणात त्याने श्रद्धाचा गळा आवळून खून केला. आरोपी 28 वर्षांचा असून तो मुंबईचा रहिवासी आहे. पोलिसांनी सांगितले की, आम्ही मृतदेहाचे काही तुकडे जप्त केले आहेत. मात्र तो मानवी शरीराचा भाग आहे की नाही हे आताच सांगू शकत नाही. ज्या शस्त्राने मृतदेह कापण्यात आला ते अद्याप मिळालेले नाही.
