श्रीनगर : श्रीनगरच्या नवान बाजार भागातील 'जॉन कॅप हाऊस' हे 125 वर्षे जुने दुकान अनोख्या टोपीं (कराकुली) साठी प्रसिद्ध आहे. (shop of Qaraquli caps in Srinagar). येथील टोपी कश्मीरची शाही टोपी मानली जाते (Qaraquli caps), जी काश्मिरींसाठी सन्मान आणि प्रतिष्ठेचे प्रतीक आहे. मुझफ्फर जॉन, जे या टोपीचे चौथ्या पिढीचे निर्माते आहेत ते सांगतात की, या विशिष्ट टोपीच्या तीन मूलभूत शैली आहेत. पहिली जिना स्टाईल, दुसरी अफगाण काराकुल आणि तिसरी रशियन कराकुल.
अनेक दिग्गजांनी घातल्या या टोप्या : मुझफ्फर सांगतात की, त्यांच्या दुकानात बनवलेल्या टोप्या पाकिस्तानचे पहिले पंतप्रधान मोहम्मद अली जिना, भारताचे सध्याचे पंतप्रधान नरेंद्र मोदी यांच्यासह अनेक दिग्गजांनी घातल्या आहेत. ते म्हणाले, "माझ्या आजोबांनी 1944 मध्ये जिना यांच्यासाठी एक कराकुली टोपी बनवली होती. त्यांच्या वडिलांनी 1984 मध्ये राजीव गांधींसाठी एक कराकुली टोपी बनवली होती. माझ्या आजोबांनी आणि वडिलांनी काश्मीर आणि देशातील महत्त्वाच्या राजकीय, सामाजिक आणि धार्मिक व्यक्तिमत्त्वांसाठी देखील कराकुली टोपी बनवली आहे. मी देखील डॉ. फारूख अब्दुल्ला, ओमर अब्दुल्ला, मीरवाइज, गुलाम नबी आझाद आणि इतरांसाठी कराकुल टोपी बनवली आहे. मी 2014 मध्ये पंतप्रधान नरेंद्र मोदी आणि उमानचे माजी राजा काबूस बिन सईद यांच्यासाठीही टोपी बनवली होती".
उझबेकिस्तानमधून भारतात आली : कश्मीरमध्ये काराकुलीला शाही टोपी म्हणूनही ओळखले जाते. ही टोपी मेंढीच्या विशिष्ट प्रकारच्या कातडीपासून बनविली जाते. एके काळी काश्मिरात क़ारकुली घालण्याची प्रथा खूप जास्त होती. पण काळाच्या ओघात सर्वसाधारणपणे क़ारकुली घालण्याची प्रथा संपुष्टात आली. काराकुली उझबेकिस्तानमधून मध्य आशिया आणि नंतर अफगाणिस्तानमधून येत आणि शेवटी काश्मीरच्या संस्कृतीचा भाग बनली. मुझफ्फर अहमद जान सांगतात की, आजच्या जमान्यात जरी नवीन पिढीला क़ारकुली घालायला आवडत नसले तरी आता डिझाईनमध्ये नावीन्य आणल्याने अनेक तरुण काही वर्षांपासून या थंडीच्या दिवसात ती परिधान करण्यात रस दाखवत आहेत. कारकुलीची सध्याची किंमत 5 हजार ते 20 हजारांपर्यंत आहे. फर चार नैसर्गिक रंगांमध्ये उपलब्ध आहे. परंतु तपकिरी रंग त्याच्या सूक्ष्मता आणि मोहकपणामुळे सर्वात महाग आहे.
