नवी दिल्ली/नोएडा : राजस्थानच्या उदयपूरमध्ये कन्हैया लालच्या हत्या प्रकरणात पोलीस कारवाईने वेग पकडला आहे. या प्रकरणी आज छत्तीसगड पोलिस एका टीव्ही वृत्तवाहिनीचा ज्येष्ठ पत्रकार रोहित रंजन याला अटक करण्यासाठी गाझियाबादमधील इंदिरापुरम येथील त्याच्या निवासस्थानी पोहोचले. गाझियाबाद पोलिसांना ट्विटरवरून याची माहिती मिळताच तेही तेथे पोहोचले. यावेळी दोन्ही राज्यांच्या पोलिसांमध्ये वाद झाला. तेव्हा नोएडा पोलिसांनी घटनास्थळ गाठून रंजन यांना अटक ( Rohit Ranjan arrested by Noida Police ) केली. रोहित रंजनला घेऊन नोएडा पोलिस अद्याप नोएडाला पोहोचलेले नाहीत. हे प्रकरण गाजियाबाद आणि छत्तीसगड पोलिसांमध्ये अडकले आहे.
पत्रकार रोहित रंजन यांनी ट्विट करून मुख्यमंत्री योगी आदित्यनाथ, एसएसपी गाझियाबाद आणि एडीजी झोन लखनऊ यांच्याकडे मदत मागितली आहे. रोहितने ट्विट केले की, स्थानिक पोलिसांच्या माहितीशिवाय छत्तीसगड पोलिस त्याला अटक करण्यासाठी आले आहेत. त्याचवेळी, छत्तीसगड पोलिसांचे म्हणणे आहे की, त्यांच्याकडे रंजनच्या अटकेचे वॉरंट आहे. तर गाझियाबाद पोलिसांचे म्हणणे आहे की, त्यांच्या माहितीशिवाय छत्तीसगड पोलिस त्यांना अटक करण्यासाठी कसे पोहोचले.
रोहित रंजन एका खाजगी वाहिनीवर अँकर म्हणून काम करतो. काही दिवसांपूर्वी उदयपूरच्या घटनेशी त्यांनी राहुल गांधींच्या वक्तव्याचा चुकीचा संबंध जोडला होता. यानंतर काँग्रेसने आपला विरोध तीव्र केला. काँग्रेसचे कार्यकर्तेही आंदोलनासाठी वाहिनीच्या कार्यालयाबाहेर पोहोचले होते. मात्र, या चुकीबद्दल चॅनलने नंतर माफी मागितली होती.
हेही वाचा : NIA प्रमुखांनी कन्हैयालाल हत्येबाबत अमित शहा यांना दिली माहिती
