हरिद्वार ( उत्तराखंड ) : पवित्र नगरी हरिद्वारमध्ये दीड वर्षापूर्वी आयोजित महाकुंभ दरम्यान कोट्यवधी रुपये खर्चून बांधलेला मुख्य रस्ता खचला ( Haridwar Road Collapsed ) आहे. हरिद्वारमध्ये आज घोडा हॉस्पिटल शिवमूर्ती रोडवर रस्त्याचा मोठा भाग खचल्याने मोठी दुर्घटना टळली ( Road collapsed on Shiv Murti Road ) आहे. सुदैवाने आजूबाजूच्या लोकांनी ते पाहिल आणि तेथे फलक लावला. सध्या या रस्त्याच्या दुरुस्तीचे काम सुरू झाले आहे.
चारधाम यात्रेसाठी मोठ्या संख्येने भाविक हरिद्वारला पोहोचत आहेत. दरम्यान, शिवमूर्ती घोडा रुग्णालयाकडे जाणारा रस्ता खचल्याने प्रशासनाचे मोठे दावे उघड झाले आहेत. रस्त्यावर खड्डे पडल्याने पादचाऱ्यांना मोठा त्रास होत आहे. जिथे हा रस्ता खचला आहे, तिथूनच चारधाम यात्रेकरूंची ये-जा सुरू आहे.
हरिद्वार महाकुंभमध्ये शहरातील अनेक मुख्य रस्त्यांची पुनर्बांधणी करण्यात आली होती. ज्या रस्त्यांखालून गटार, गॅस, पाण्याच्या लाईन जातात, तेथे गळती होणार नाही याचीही काळजी घेतली जाते. त्यानंतरच रस्ता वाहतुकीसाठी खुला करण्यात आला. मात्र शिवमूर्ती घोडा रुग्णालयाच्या रस्त्यावरील खड्ड्यांमुळे प्रशासनाच्या दाव्यांची पोलखोल झाली आहे.
हेही वाचा : फोटो फिचर : बुद्ध पौर्णिमेला 12 लाख भाविकांनी गंगेत पवित्र स्नान केले, पाहा फोटो
