नवी दिल्ली - भारतीय चलनी नोटांवर महात्मा गांधींसोबतच रवींद्रनाथ टागोर आणि 11वे राष्ट्रपती डॉ. एपीजे अब्दुल कलाम यांचा फोटोही दिसू शकतो. आतापर्यंत भारतीय नोटांवर राष्ट्रपिता महात्मा गांधी यांचेच छायाचित्र छापले जात होते. द न्यू इंडियन एक्सप्रेसच्या वृत्तानुसार, लवकरच काही नोटांवर रवींद्रनाथ टागोर आणि अब्दुल कलाम यांची छायाचित्रे दिसू शकतात.
अहवालानुसार, अर्थ मंत्रालय आणि आरबीआय काही नोटांवर रवींद्रनाथ टागोर आणि अब्दुल कलाम यांची छायाचित्रे छापण्याचा विचार करत आहेत ( RBI considers using images a Tagore and kalam on banknotes ). यासाठी, अर्थ मंत्रालयाच्या अंतर्गत येणाऱ्या RBI आणि सिक्युरिटी प्रिंटिंग अँड मिंटिंग कॉर्पोरेशन ऑफ इंडिया ( SPMCIL ) यांनी गांधी, टागोर आणि कलाम वॉटरमार्कचे दोन वेगवेगळे नमुने IIT-दिल्लीचे एमेरिटस प्रोफेसर दिलीप टी शाहनी यांना पाठवले आहेत. त्यांना दोन नमुन्यांमधून एक निवडण्यास सांगितले आहे आणि ते सरकारच्या अंतिम विचारासाठी ठेवण्यास सांगितले आहे, असे अहवालात म्हटले आहे.
चलनी नोटांवर अनेक अंकी वॉटरमार्क समाविष्ट करण्याच्या शक्यता तपासण्यासाठी हे केले जात आहे. प्रोफेसर शाहनी हे इलेक्ट्रोमॅग्नेटिक इन्स्ट्रुमेंटेशनमध्ये तज्ज्ञ आहेत. सूत्रांनी दिलेल्या माहितीनुसार, सरकारने त्यांना वॉटरमार्क तपासण्याची जबाबदारी दिली आहे. या वर्षी जानेवारीत मोदी सरकारने त्यांना पद्मश्री देऊन गौरवले आहे.
गेल्या वर्षी, आरबीआयने म्हैसूरस्थित रिझर्व्ह बँक ऑफ इंडिया नोट मुद्रण प्रायव्हेट लिमिटेड आणि होशंगाबादमधील एसपीएमसीआयएलच्या सिक्युरिटी पेपर मिलला वॉटरमार्कचे नमुने तयार करण्याचे निर्देश दिले होते. नंतर आरबीआय आणि एसपीएमसीआयएलने त्यांचे नमुने शाहनी येथे चाचणीसाठी पाठवले. विशेष म्हणजे, पश्चिम बंगालमध्ये जन्मलेल्या टागोरांचे नाव जगभरात आदराने घेतले जाते तर डॉ. एपीजे अब्दुल कलाम हे देशातील महान व्यक्तिमत्त्वांपैकी एक आहेत.
हेही वाचा - Stock Markate: एलआयसीच्या गुंतवणुकदारांनी गमावले 94 हजार कोटी रुपये; वाचा शेअर बाजाराविषयी
