नवी दिल्ली: Rapist Giving Massage: भाजपचे राष्ट्रीय प्रवक्ते शहजाद पूनावाला यांनी आम आदमी पक्षावर गंभीर आरोप केला असून, सत्येंद्र जैन यांना तुरुंगात मसाज देणारी व्यक्ती बलात्कारी असून, त्याला पॉक्सो कायद्यांतर्गत शिक्षा झालेली आहे, असे म्हटले त्यांनी आहे. त्याच्यावर कारवाई सुरू आहे. नियमांची पायमल्ली करून सत्येंद्र जैन यांना तुरुंगात सर्व सुविधा दिल्या जात आहेत, असा आरोपही त्यांनी केला. Shahzad Poonawalla allegation against AAP
सत्येंद्र जैन यांना तुरुंगात मसाज दिल्याचा व्हिडिओ व्हायरल झाल्यानंतर भाजपचे राष्ट्रीय प्रवक्ते शहजाद पूनावाला यांनी व्हिडिओ बाईट जारी करून नवा खुलासा केला आहे. ते म्हणाले की, ज्या व्यक्तीने तुरुंगात सत्येंद्र जैन यांची मसाज केली, ज्याला अरविंद केजरीवाल फिजिओथेरपिस्ट म्हणत होते, तो फिजिओथेरपिस्ट नसून बलात्कारी आहे. मसाज करणारा हा तिहार तुरुंगात पोस्को कायदा आणि आयपीसीच्या कलम ३७६ अंतर्गत बलात्काराच्या खटल्यात आरोपी आहे. अरविंद केजरीवाल अशा व्यक्तीकडून मसाजला फिजिओथेरपी म्हणत आहेत.
शहजाद पूनावाला म्हणाले की, इंडियन फिजिओथेरपी असोसिएशनने आधीच स्पष्ट केले आहे की, ही फिजिओथेरपी नसून तेलाने मसाज आहे. यावरून हे स्पष्ट होते की, गेल्या ५ महिन्यांपासून तिहार तुरुंगाच्या तुरुंगात शिक्षा भोगत असलेला सत्येंद्र जैन, ज्यांचा जामीन अर्ज प्रत्येक वेळी फेटाळला जातो, त्याला तिहारमध्ये व्हीआयपी ट्रीटमेंट तर मिळत होतीच, शिवाय तेल मसाजची सुविधाही मिळत होती. तुरुंगात सत्येंद्र तेल मसाजसह खंडणीचे कामही करत आहे. असे असतानाही दिल्लीचे मुख्यमंत्री अरविंद केजरीवाल आणि उपमुख्यमंत्री मनीष सिसोदिया त्यांचा बचाव करत आहेत. संपूर्ण प्रकरणाचे सत्य समोर आल्यानंतर दिल्लीचे मुख्यमंत्री जनतेची माफी मागणार का, असे ते म्हणाले.
