Rang Panchami 2023 : वर्ष 2023 मध्ये कधी आहे रंगपंचमी? का साजरा केला जातो हा सण

वैदिक ज्योतिषानुसार यंदा 12 मार्च रोजी रविवारी 'रंगपंचमीचा सण' साजरा केला जाणार आहे. होळी हा सण दरवर्षी कृष्ण पक्षातील प्रतिपदेला साजरा केला जातो. त्यानंतर बरोबर पाच दिवसांनी चैत्रमासातील कृष्ण पक्षातील पंचमीला होळी खेळली जाते. ज्याला रंगपंचमी म्हणतात. जाणून घेऊया शुभ मुहूर्त आणि उपाय.

2023 मध्ये, रंगपंचमीचा सण 12 मार्च रोजी रविवारला साजरा केला जाईल. रंगपंचमी हा सण हिंदू देवतांना समर्पित मानला जातो. विशेषत: भगवान श्री कृष्ण आणि राधिका यांनी वृंदावनात खेळलेली रंगपंचमी अनेक कथांंमधून प्रेमाचा संदेश देत असते. होळीच्या सणानंतर 5 दिवसांनी चैत्र महिन्यातील कृष्ण पंचमीला रंगपंचमी साजरी केली जाते. विशेषत: मध्य प्रदेश, गुजरात आणि महाराष्ट्रात रंगपंचमी उत्साहात साजरी केली जाते. तथापि, हा सण देशाच्या इतर भागांमध्येही उत्साहात साजरा केला जातो.

का साजरी करतात 'रंगपंचमी' : होळी हा सण दरवर्षी कृष्ण पक्षातील प्रतिपदेला साजरा केला जातो. त्यानंतर बरोबर पाच दिवसांनी चैत्रमासातील कृष्ण पक्षातील पंचमीला होळी खेळली जाते. ज्याला 'रंगपंचमी' म्हणतात. पौराणिक मान्यतेनुसार पंचमी तिथीला लोक हवेत गुलाल उडवून देवाला रंग चढवतात. गुलालाची उधळण केल्याने देव प्रसन्न होतात आणि भक्तांना आशीर्वाद देतात, असे मानले जाते. हवेत गुलाल आणि रंग उधळण्यासोबतच वातावरणात सकारात्मक ऊर्जा वाहते.

रंगपंचमी 2023 शुभ मुहूर्त : वैदिक कॅलेंडरनुसार, रंगपंचमीची तारीख 11 मार्च शनिवार रोजी रात्री 10:06 वाजता सुरू होईल आणि 12 मार्च रविवार रोजी रात्री 10:02 वाजता समाप्त होईल. उदयतिथीनुसार रंगपंचमीचा सण १२ मार्चलाच साजरा केला जाणार आहे.

रंगपंचमीच्या दिवशी काय उपाय करावे : वैवाहिक जीवनात अडचणी येत असतील तर, रंगपंचमीच्या दिवशी भगवान श्रीकृष्ण आणि राधारानी यांची पूजा करा, त्यांना गुलाल अर्पण करा. असे केल्याने वैवाहिक जीवनात मधुरता येते असे मानले जाते. यासोबतच वैवाहिक जीवन आनंदी राहील.

या दिवशी एका पिवळ्या कपड्यात एक नाणे आणि 5 गाठी हळद बांधून पूजेच्या ठिकाणी ठेवा. यानंतर माता लक्ष्मीच्या चरणी तुपाचा दिवा लावावा. तसेच यानंतर पैश्यांचे बंडल बांधा आणि जिथे पैसे ठेवता तिथे ठेवा. असे केल्याने आर्थिक स्थिती मजबूत असल्याचे मानले जाते.

रंगपंचमीच्या दिवशी माता लक्ष्मीची पूजा करावी. म्हणूनच देवी लक्ष्मीला लाल गुलाब, कमलगट्टा आणि कमळाचे फूल अर्पण करा. तसेच कनकधारा स्तोत्राचे पठण करावे. असे केल्याने जीवनात सुख-समृद्धीची ओळख होते.

प्रथा-परंपरा : अनेक ठिकाणी जे नागरीक होळीला रंग खेळू शकले नाही, ते या दिवशी रंगपंचमी साजरी करतात. तर काही ठिकाणी ज्या घरी लग्न पक्के झाले असते, त्या घरच्या नववधूला गुलाल लावुन, आणि काही भेटवस्तु देऊन रंगपंचमी साजरी केली जाते. सोबतच घरातील सगळे नातेवाईक एकमेकांना गुलाल लावुन आनंद साजरा करतात.