नवी दिल्ली - उत्तराखंडचे मुख्यमंत्री तीरथ सिंह रावत यांनी महिलांनी फाटक्या जीन्स घालण्याबद्दल केलेल्या वक्तव्यावरुन नवीन वादाला तोंड फुटलं आहे. रावत यांच्या वक्त्यव्यानंतर सोशल नेटवर्कींगवरुन त्यांच्यावर टीका केली जात आहे. अनेक महिला नेत्यांनाही या वक्तव्यावर टीका केली आहे. यातच काँग्रेसच्या नेत्या प्रियांका गांधी यांनीही टि्वट करून रावत यांच्यावर टीकास्त्र सोडले.
-
Oh my God!!! Their knees are showing 😱😱😱 #RippedJeansTwitter pic.twitter.com/wWqDuccZkq
— Priyanka Gandhi Vadra (@priyankagandhi) March 18, 2021 " class="align-text-top noRightClick twitterSection" data="
">Oh my God!!! Their knees are showing 😱😱😱 #RippedJeansTwitter pic.twitter.com/wWqDuccZkq
— Priyanka Gandhi Vadra (@priyankagandhi) March 18, 2021Oh my God!!! Their knees are showing 😱😱😱 #RippedJeansTwitter pic.twitter.com/wWqDuccZkq
— Priyanka Gandhi Vadra (@priyankagandhi) March 18, 2021
प्रियांका गांधी यांनी टि्वटर राष्ट्रीय स्वयंसेवक संघाच्या कार्यक्रमामधील एक फोटो शेअर केला आहे. या फोटोमधील नेत्यांचे गुडघे दिसत आहेत. यावरून प्रियांका यांनी टोला लगावला आहे. 'अरे देवा, त्यांचे तर गुडघे दिसत आहेत' असे कॅप्शनही प्रियंका यांनी फोटोला दिले आहे. प्रियांका यांनी शेअर केलेल्या फोटोमध्ये भाजपाच्या वरिष्ठ नेत्यांचा सहभाग आहे. यात केंद्रीय मंत्री नितीन गडकरी, सरसंघचालक मोहन भागवत आणि देशाचे पंतप्रधान नरेंद्र मोदी दिसत आहेत. यात त्यांनी संघाचा पोषाख (अर्ध्या बाह्यांचा पांढरा शर्ट आणि हाफ पॅण्ट) परिधान केलेला दिसत आहे. यात त्यांचे गुडघे दिसत आहेत. यावरून प्रियांका यांनी टीका केली.
काय म्हणाले होते तिरथसिंह रावत?
उत्तराखंडचे नवनिर्वाचित मुख्यमंत्री तीरथ सिंह रावत यांनी नवा वाद ओढावून घेतला आहे. पंतप्रधान नरेंद्र मोदी यांची भगवान रामशी तुलना केल्यानंतर आता महिलांनी जीन्स घालण्याबाबत त्यांनी वादग्रस्त विधान केले आहे. आजकाल महिला फाटलेली जीन्स घालतात, हे कसले संस्कार आहेत? या महिला आपल्या मुलांना काय संस्कार देतील, असे विधान त्यांनी केले आहे. बाल हक्क संरक्षण आयोगाच्या एका कार्यक्रमात ते बोलत होते. मुले-मुली फाटलेली जीन्स घालतात. या प्रकारचे वातावरण योग्य नाही. हे ब्रिटिशांचे अनुसरन करत आहेत. आपल्या मुलांना चांगले संस्कार द्या, ज्या मुलाला संस्कार आहे. तो कधीही अपयशी ठरू शकत नाही, असे ते म्हणाले. त्यांचे विधान वादात पडताना दिसत आहे. त्यांच्या या वक्तव्याचा व्हीडिओ सोशल मीडियावर प्रचंड व्हायरल झाला आहे.
हेही वाचा - फाटक्या जीन्स विधानाबद्दल बीजेपी हायकमांडकडून रावत यांची चौकशी
